25ª Semana Tempu Komun: Sesta-feira, 27, fulan Setembro, 2024, September 27, 2024
Reflection on the WORD
Maluk sira mak Kristu hadomi,
“Ba ita, se mak Jesus? – Fiar: Iha evangelho loron ohin nian, Jesus husu ba nia eskolante sira, no ba ita, “imi dehan ha’u ne’e se lós?” Reflete; “ida ne’e mak sentro no pregunta fundamental ba ita nia fiar. Se ita iha dúvida no labele hatan ho klareza no konviksaun, entaun ita nia komprimisu ba Jesus sei frakuno nakonu ho justifikasaun oin-oin; ita nia necessidade sira ne’ebé mak bele domina tiha ita nia moris.
Lk 9:18-22
Pedro nia fiar
18Loron ida, wainhira Nia harohan mesa-mesak ho nia eskolante sira deit, Jesus husu ba sira: 19 “Ema dehan Ha’u se los?” Eskolante sira hatan: “Joao Baptista; balun dehan, Elias; balun fali dehan, profeta ida uluk nian mak moris hi’as.” 20Nia husu ba sira: “Imi rasik dehan Ha’u se los?” Pedro simu hodi dehan: “Ita Maromak nia Kristu.” 21Nia bandu sira atu la bele fo sai buat ne’e ba ema ida, 22dehan: “Oan Mane sei terus barak: katuas sira, amlulik boot no eskriba sira sei hakribi Nia hodi oho Nia; no liu tiha loron tolu Nia sei moris hi’as.”
Today's Pointers on God's Word
As you read the passage what words, phases or meanings caught your attention?
- Jesus pasa liu hosi terus no susar hodi liberta ita husi sala, no hodi salva ita hosi mate rohan-la’ek.
-
Wainhira ema aat sira tortura Jesus ho maneira ne’ebé kruel tebes hedi Nia iha kruz nu’udar kriminozu ida tamba ita nia diak, Jesus mós iha kanek ne’ebé kle’an tamba ita nia rejeisaun ne’ebé constante ba Nia liu hosi ita nia sala sira, maski Nia iha domin ida ne’ebé la iha rohan ba ita.
- Tamba ne’e mak importante teb-tebes ba ita atu renova fali ita nia Domin ba Jesus hodi dehan, Na’i, Itabo’ot mak há’u nia maksoin. Tulun ha’u atu sempre hadomi no serbí Ita bo’ot. Tulun ha’u atu bele iha fuan gratidaun ba Ita iha loron ba loron.