25ª Semana Tempu Komun: Kinta-feira, 26, fulan Setembro, 2024, September 26, 2024
Reflection on the WORD
Maluk sira mak Kristu hadomi,
“Tauk iha Maromak nia Poder Santu”: Iha evangelho loron ohin nian, Liurai Herodes tauk-tebes, bainhira nia rona katak João Batista bele moris hias fali husi mate. “Nia hatene katak João mak ema Maromak nian ida, ne’ebé ko’alia ho koragem no nakonu ho lialos kona-bá herodez nia moris iha sala-foer nia laran. Reflete; “bainhira ita moris iha Maromak nia dalan sira, ita la presiza tauk ba ema ida; Maromak nia damen no ksolok sei ense ita nia fuan, uma no moris.
Lk 9:7-9
Herodes ho João
7Rona tiha kona ba buat ne’e hotu, liurai Herodes hakfodak, basa ema balun dehan katak Joao moris hi’as fali housi mate; 8 maibe ema seluk dehan katak Elias mosu fali, no ema seluk tan dehan katak profeta uluk sira ida moris hi’as fali. 9Maibe Herodes dehan: “Ha’u tesi tiha ona Joao nia ulun. Ne’e duni, ema ne’e se los, nebe kona ba nia ha’u rona buat hirak ne’e?” No nia buka namanas atu hare Nia.
Today's Pointers on God's Word
As you read the passage what words, phases or meanings caught your attention?
- La iha líder polítika poderosu ida, exemplu Liurai Herodes iha nia mundu sekular ne’ebé mak bele hamate lialos husi Maromak nia liafuan diak salvasaun nian. Lalais de’it nia sei failla.
- La iha ema ida bele hapara liafuan husi Maromak nian atu haklaken sai. La iha ema ida mak bele hapara kbi’it Maromak nian atu salva ema hotu-hotu, tamba poder husi Espíritu Santu sei kontinua serbisu iha ema ida-idak nia fuan.
- Ita persiza iha fiar no korazem ida hanesan ho João Batista nian, ne’ebé fó nia moris hodi haklaken lialos hosi liafuan Maromak nian hodi luta hasoru buat-aat husi mundu ne’e nian.