DGEMs

Maluk sira mak Kristu hadomi,

“Mateus nia Vokasaun” - Fiar: Iha evangelho loron ohin nian, Jesus bolu Mateus atu sai nia eskolante, no han ho publikanu sala-nain sira. Farizeu sira hakfodak teb-tebes. Reflete; “Jesus haklaken katak ema maksalak sira mak presiza salvasaun. Reflete; “se ita la konsiente katak ita nia sala sira bele hakanek ita nia relasaun sira ho Jesus no ho ema seluk, entaun ita sei la valoriza Jesus, nu’udar ita nia Maksoin”

Jesus bolu Mateus

9Sai tiha housi neba, Jesus hare ema ida naran Mateus, tur hela iha fatin kobra impostu nian hodi dehan ba nia: “Tuir Ha’u mai!” Nia hamriik hodi tuir Jesus. 10Jesus tur hela iha uma laran, ema publikanu no maksalak barak mai tur ho Nia, hamutuk ho nia eskolante sira. 11Hare tiha ne’e, fariseu dehan ba eskolante sira: “Nusa mak imi nia Mestre han hamutuk ho publikanu no maksalak sira?” 12Rona tiha sira, Jesus dehan: “La’os sira nebe isin diak mak kuran doutor, maibe sira nebe moras. 13Imi buka hatene liafuan ne’e katak sa: ‘Ha’u hakarak laran luak, la’os sakrifisiu.’ Basa Ha’u mai la’os atu bolu ema los sira, maibe ema maksalak sira.”