DGEMs

Maluk sira mak Kristu hadomi,

“Arependimentu”- Sala no Fiar: Iha evangelho loron ohin nian, feto sala nain públiku nian ida, hatudu nia arependimentu ne’ebé kle’an ba sala todan sira ne’ebé nia halo ona: feto ne’e tanis ho laran susar: hamaran matan be’en iha Jesus nia ain hodi nia fuuk, rei no kose mina ba sira. Reflete; “ita tristeza tebes ka la’e bainhira ita arepende ba ita nia sala sira? Ita nia kompromissu atu la monu tan ba sala ita halo ho laran mós, ka ita garantía le’et de’it ba iha laran luak Maromak nian?

Feto maksalak ida hetan perdua

36Fariseu ida konvida Jesus atu han hamutuk ho nia. Tama tiha iha nia uma, Nia tur iha meja. 37Tuir mai, feto aat ida housi sidade, wainhira nia hatene katak Jesus mai han iha fariseu nia uma, mai lori botil ida ho mina morin,  38hodi tur iha Jesus nia kotuk, nia hahu fase Nia ain ho nia mataben, hodi hamaran ho nia fuuk, rei no kose ho mina morin.  39Hare  tiha buat ne’e, fariseu nebe konvida Nia hateten ba nia an dehan: “Ema ne’e profeta ida karik, nia sei hatene feto se no sa los mak kona Nia ne’e, basa nia feto aat ida.” 40Jesus hatan, hodi dehan ba nia: “Simao, Ha’u hakarak hato’o buat ruma ba ita.” Nia dehan: “Koalia ba, Mestre.” 41 “Ema ida impresta osan ba ema na’in rua: ida halo tusan osan mean atus lima, ida seluk lima nulu. 42Tamba sira na’in rua la bele selu fali, nia kasu tiha sira nia tusan. Ne’e duni, ida nebe mak sei hadomi nia liu tan?” 43Simao hatan dehan: “Ha’u hanoin katak ida nebe nia kasu tusan boot liu.” No Jesus dehan: “Ita hanoin los!” 47Tan ne’e, Ha’u dehan ba ita: nia sala barak kasu tiha ona, basa nia hadomi makaas liu. Ema nebe hetan perdua ba sala uitoan deit, nia mos hadomi uitoan deit.”