24ª Semana Tempu Komun: Tersa-feira, 17, fulan Setembro, 2024, September 17, 2024
Reflection on the WORD
Maluk sira mak Kristu hadomi,
“Jesus nia Kompaixaun” - Fiar: Iha evangelho loron ohin nian, Jesus “sentí hanoin tebes-tebes ba feto faluk ne’e nia oan mane mesak ne’ebé mate tiha ona, no Jesus halo nia moris fali. Reflete; “feto faluk ne’e la husu Jesus milagre ida, maibé Jesus nia kompaixaun lori Nia hodi fó moris-hias ba feto ne’e nia oan mane. Ita mós konsiente ho Jesusnia milagre kompaixaun nian sira iha ita nia moris? Reflete kona-bá ita nia moris ne’ebé kle’an no diskobre milagre hirak hanesan ne’e.”
Lk 7:11-17
Feto faluk nia oan moris hi’as fali
11Tuir mai Nia ba sidade ida naran Naim. Nia eskolante sira no ema lubun boot tuir Nia. 12Wainhira Nia besik ona sidade nia odamatan, ema lori atu hakoi ema mate ida, feto faluk ida nia oan mane mesak. Ema barak housi sidade ba hamutuk ho feto ne’e. 13Hare tiha nia, Na’i hanoin nia ho laran hodi dehan ba nia: “Keta tanis!” 14Nia hakbesik, hodi kona kaisaun. Sira nebe lori nia hamriik tiha. Hafoin nia dehan: “Klosan, Ha’u dehan ba o, hamriik ba!” 15Ema mate ne’e tur no hahu koalia. Jesus saran nia ba nia inan. 16Ema hotu hakfodak hodi hahi Na’i Maromak dehan: “Profeta ida mosu tiha iha ita nia le’et; Maromak mai hare tiha nia povu!” 17Lia kona ba Nia naklekar ba Judeia tomak no ba rai hot-hotu besik neba.
Today's Pointers on God's Word
As you read the passage what words, phases or meanings caught your attention?
- Mate no tragédia sira mak parte ida hosi ita ema nia moris. Maibé, ida ne’e sei halo triste tebes ba ita bainhira sira hela iha ita iha tempu naruk ne’ebé la ho roman esperansa nian; hetok liu fali mak sira sai real liu tan iha ita nia moris.
- Jesus iha evangelho ohin nian lori realidade ida ne’e husi ita ema nia moris ba nível seluk ida; Nia hakma’an terus sira liu hosi nia laran-sadia-ho-domin.
- Nune’e mós, ita nia kompaisaun ita labele sukat ho ita nia tauk no esforsu sira ne’ebé ita kalkula, maibé ho ita-nia-an ne’ebé la’ek tane liman sa’e, iha fiar ba Maromak, nu’udar Jesus hatudu ona ba ita.