23ª Semana Tempu Komun: Kuarta-feira, 11, fulan Setembro, 2024, September 11, 2024
Reflection on the WORD
Maluk sira mak Kristu hadomi,
“Jesus nia Benaventuransa” - Fiar: iha evangelho loron ohin nian, Jesus proklama katak “Bem Aventuransas” mak konvida ita atu moris kle’an no fila-fila metin liutan iha ita nia relasaun pessoal ho Nia; liu-liu iha situasaun sira terus ho dezafiu oi-oin, iha moris ba ita nia fiar. Reflete; “Ita mós moris iha ‘aventuransa sira’ Jesus nian ho dame, ksolok no esperansa, ka ita ‘se kotuk’tiha ba tempu-diaksira dezafiu nian husi Maromak?”
Lk 6:20-26
Lia rahun diak nian
20Foti tiha matan ba nia eskolante sira, nia dehan: “Ksolok ba sira nebe kiak, basa Maromak nia reinu imi nian. 21Ksolok ba sira nebe ohin hamlaha, basa imi sei bosu. Ksolok ba sira nebe ohin tanis, basa imi sei hamnasa. 22Ksolok ba imi, wainhira ema hirus imi, wainhira ema duni sai imi, hotar imi, hewai imi nia naran hanesan buat aat, tan deit Oan Mane. 23Iha loron neba, haksolok ba hodi haksoit ho laran ksolok, basa imi nia kolen boot tebes iha lalehan. Nune’e mak sira nia aman sira halo ba profeta sira. 24Maibe susar ba imi nebe riku, basa imi hetan ona imi nia ksolok. 25Susar ba imi nebe ohin bosu hela, basa imi sei hamlaha. Susar ba sira nebe ohin hamnasa, basa imi sei halerik no tanis. 26Susar ba imi, wainhira ema hotu koalia diak kona ba imi, basa imi nia bei ala sira halo mos nune’e ba profeta falsu sira.”
Today's Pointers on God's Word
As you read the passage what words, phases or meanings caught your attention?
- Iha evangelho loron ohin nian, Jesus dehan ba nia discípulo sira no ba ita katak valor sira hosi Maromak nia Reinu no valor sira hosi mundo sekular la hanesan. Jesus desafia hodi dehan katak valor sira hotu mundo sekularismu nian mesak mamuk no la folin buat ida. Rikusoin no ksolok ne’ebé lolos mak ita nia moris spiritual.
- Fiar iha Maromak, Nia konvida no dudu ita atu ita bele hamamuk ita nia fuan sira husi rikusoin mundo sekular nian ne’ebé tenta ita, no estraga ita nia objetivo moris nian ho moris ida ne’ebé nakonu ho Maromak nia domin.
- Ita uza ita nia dom sira ba de’it ita nia konfortu, benefisiu, no glória ita nia-an rasik de’it? Ou ita moris ho konsiensia katak buat hirak ne’e hotu, tantu grasa no bensaun sira mak atu ita uza tuir Maromak nia domin no dalan sira?