DGEMs

Maluk sira mak Kristu hadomi,

“Jesus iha orasaun ne’ebé profundu”: iha evangelho loron ohin nian, Jesus “gasta kalan tomak hodi reza ba nia Aman Maromak”. Iha dadersan tuir-mai, Nia hili nia apostolu sanulu resin rua, no hahú kura sira ne’bé mak moras. Reflete; Jesus uza nia tempu hodi konekta ho Nia Aman iha orasaun.Ita mós dezenvolve ona relasaun pessoal ida ho Jesus? Se ita nia orasaun sira iha moris mak ida kle’an ka, ida habitu de’it, ka ida superfisiu de’it?”

Jesus fihir eskolante na’in sanulu resin rua

12Iha loron hirak neba Nia sa’e ba foho atu harohan; kalan tomak Nia harohan ba Maromak. 13Iha dader, Nia bolu ba nia An eskolante sira, hodi fihir housi sira le’et na’in sanulu resin rua nebe Nia hanaran ‘apostolu’ 14Simao, nebe Nia hanaran Pedro, ho nia alin Andre; Tiago, Joao, Filipe ho Bartolomeu; 15Mateus, Tome; Tiago, Alfeu nia oan; Simao nebe hanaran Zeloso; 16Judas, Tiago nia oan, no Judas Iscariotes nebe sei saran Nia.

Ema lubun boot tuir Jesus

17Tun tiha hamutuk ho sira, Jesus tur iha rai tetuk ida. Iha neba eskolante barak ho tan ema lubun boot housi rai Judeia tomak, housi Jerusalem no housi tasi ibun Tiro no Sidonia nian, 18mai atu rona Nia no mos atu hetan isin diak housi sira nia moras no sira nebe espiritu foer sira book, no sira hotu hetan diak. 19Sira hotu buka atu kona nia, basa kbiit sai housi Nia hodi fo isin diak ba sira hotu.