23ª Semana Tempu Komun: Domingo, 08, fulan Setembro, 2024, September 8, 2024
Reflection on the WORD
Maluk sira mak Kristu hadomi,
“Diuk no monok-Hetan Kura”-Fiar: iha evangelho loron ohin nian, Jesus kura mane ida ne’ebé diuk no monok. Ema lubun bo’ot sira sentí nakonu ho admirasaun ba Jesus. Reflete; “ita mós dalaruma ‘diuk, monok’ no “matan-delek” ba Maromak nia liafuan diak husi Jesus nia salvasaun nian. Katak Espíritu Santu nia haroman no haforsa ita hodi moris tuir Maromak nia hakarak.” Bainhira no oinsa mak ida ne’e akontese ba ita?
Mk 7:31-37
Jesus halo ema monok koalia
31Tuir mai, Jesus sai housi rai Tiro, hodi la'o housi rai Sidonia ba tasi Galileia, liu to'o baliza Dekapoli nian. 32Sira lori ba nia ema tilun diuk no monok, hodi husu Nia atu tau liman ba nia. 33Hadook tiha ema ne'e housi ema lubun boot, Jesus hatama nia limanfuan iha nia tilun, tafui hodi kona nia nanal, 34hafoin Nia foti matan ba lalehan, dada iis hodi dehan ba nia, “Effatha,” katak “Loke ba.” 35Ema ne'e nia tilun nakloke kedas, no buat nebe halo nia ibun tos sai tiha. Nia hahu koalia mo-mos. 36Jesus bandu sira atu la bele fo hatene buat ne’e, maibe liu Nia bandu sira, hetok sira fo hatene liu tan. 37Sira hakfodak hodi dehan: “Nia halo diak buat hotu; tilun diuk sira rona, monok sira mos koalia.”
Today's Pointers on God's Word
As you read the passage what words, phases or meanings caught your attention?
- “Buat hotu ne’ebé Jesus halo mesak diak;” nune’e duni mak nia halo durante nia ministeiru. Maibé, Judeu sira hedi nia iha cruz. Nia halo daudaun hela Aman Maromak nia hakarak, Nia hatene katak Nia labele hases-an ka halai husi resultado kruz ne’ebé Nia hasoru. Nune’e, Nia sadere ba kbi’it Aman-Maromak nian.
- Bainhira ita moris ba lialos Kristu nian, ita mós sei hasoru ema ne’ebé kontra ita, nu’udar ema wain ne’ebé seidauk loke-an ba Maromak nia lialos. Ema so hakarak de’it moris iha sira nia kompreensaun ne’ebé klo’ot nia laran duke buat sira ne’ebé mak sira kompriende nu’udar lialos lolos nian.
- Ita hakarak tebes duni atu serbí ba Maromak nia lialos no persevera iha lialos ne’e ka la’e?