DGEMs

“Jesus Kura- Missaun”: iha evangelho loron ohin nian, Jesus kuraSimão nia banin feto no sira seluk ne’ebé iha moras oi-oin; inklui mós sira ne’ebé demôniu iha sira nia laran. Ema lubun haruka Jesus atu helade’it, maibé Jesus tenki ba haklaken liafuan ba iha fatin seluk. Reflete; ita hadomi Jesus ho fuan mós ka la’e, ka ita presiza liu Jesus tamba iha nesesidade oi-oin, hanesan atu hetan kura ba ita nia moras sira de’it?

Jesus fo isin diak ba Pedro nia banin feto

38Husik tiha sinagoga, Jesus ba Simao nia uma. Simao nia banin feto moras boot, isin manas. Sira husu Jesus atu tulun nia. 39Hakru’uk tiha ba nia, Jesus duni sai isin manas, nebe sai kedas housi nia. Hafoin nia hamriik hodi serbi sira.

40Wainhira loron atu monu ona, sira hotu nebe iha ema ho moras oi-oin lori sira ba Jesus. Nia tula liman ba sira ida-ida, hodi fo isin diak ba sira. 41Diabu sira sai housi ema barak, hodi hakilar  dehan: “O Maromak nia Oan Mane!” Maibe Nia haruka hodi la husik sira koalia, basa sira hatene katak Nia mak Kristu. 42Iha dadersan, Nia sai hodi la’o ba fatin fuik ida. Ema lubun boot buka Nia. Hetan tiha Nia, sira hakarak katak Nia la bele husik sira. 43Maibe nia dehan ba sira: “Ha’u sei haklaken mos liafoun diak Maromak nia reinu nian ba rai selu-seluk; tan ne’e mak Ha’u mai.”