22ª Semana Tempu Komun: Tersa-feira, 03, fulan Setembro, 2024, September 3, 2024
Reflection on the WORD
Maluk sira mak Kristu hadomi,
“Poder Divinu”- Fiar: iha evangelho loron ohin nian, Jesus duni sai demônio hosi ema sira ne’ebé demônio iha sira laran. Ema lubun-bo’ot hafodak no tauk. Reflete; “ ita iha ka la’e fiar ne’ebé kle’an iha Jesus ninia poder nu’udar Maromak ou ita tauk lós fali ho espíritu demônio nian?Ita la iha klareza, duvidoza no buka poder espíritu sira seluk nianba ita nia protesaun? Bainhira maka ita fiar lolos de’it iha Jesus, ita sei la hetan buat ruma no buat ida ba ita atu halo ita tauk.”
Lk 4:31-37
Jesus hanorin iha Kafarnaum
31Nia tun ba Kafarnaum, sidade ida Galileia nian. Nia hanorin sira iha loron Sabadu. 32Ema sira hakfodak ho nia doutrina, basa Nia koalia ho kbiit.
33Iha sinagoga laran, ema ida ho espiritu foer hakilar ho lia maka’as dehan: 34 “iha sa ida iha ami no O, Jesus Nazare? O mai atu halo aat ami? Ha’u hatene O se los: Maromak nia santu!” 35Nia si’ak ema ne’e dehan: “Nonok no sai tiha housi nia!” Soe tiha ema ne’e ba rai iha sira hotu nia oin, diabu sai housi nia, la halo aat ida ba nia. 36Sira hotu hakfodak no tauk, hodi hateten ba malu: “Liafuan ne’e sa los? Ho kbiit no ukun, Nia haruka espiritu foer sira sai, no sira sai duni!” 37Jesus nia naran boot habelar iha fatin hot-hotu iha rai neba.
Today's Pointers on God's Word
As you read the passage what words, phases or meanings caught your attention?
- Jesus nia hanorin halo ema hakfodak no toka kle’an tebes iha ema sira rona ne’e nia fuan, tamba nia ko’alia Maromak nia liafuan diak ho autoridade no lialos.
- Jesus nia liafuan sira mós nakonu ho kbi’it; sira bele duni sai demôniu sira. Ita iha interese ba Maromak nia liafuan sira ka la’e, bainhira ita le’e ka rona ema haklaken liafuan sira ne’e ba ita?
- Tetu ba Maromak nia liafuan ho kle’an liu tan no bebeik-bebeik no husik nia kbi’it tama ba iha ita nia fuan no transforma ita nia moris lor-loron nian. Halo nune’e de’it mak ita nia moris sei hetan guía hosi Maromak nia Espíritu.