21ª Semana Tempu Komun: Sesta-Feira, loron 30, fulan Agostu, 2024, August 30, 2024
Reflection on the WORD
Maluk sira mak Kristu hadomi,
“Fidelidade iha fiar”: Iha evangelho ohin, Jesus haklaken ba nia discípulo sira “aiknanoik feto virgem nain 10”. Reflete; sensibilidade husi feto virgem nain 5 nian iha ne’ebé sira prátika fiar no sincere, fokus no prudente. Maski nune’e, feto virgem 5 seluk, la dun prudente, moris iha superfisialidade iha sira nia fiar no ladun preokupa ho Maromak. Saida mak Espíritu Santu dehan ba ita ohin loron?
Mt, 25:1-6, 8-9, 13
Aiknanoik fetoran sanulu nian
1“Reinu lalehan nian sei hanesan fetoran sanulu nebe kaer tiha nia ahi oan hodi ba hasouru noivu. 2Sira na’in lima beik, na’in lima seluk matenek. 3Sira nebe beik lori sira nia ahi oan, maibe la lori mina; 4sira nebe matenek lori mos mina iha botil, hamutuk ho sira nia ahi oan. 5Noivu la mai lalais; sira matan dukur no toba ona. 6Maibe iha kalan fahe rua, ema hakilar: ‘Noivu mai ona, imi ba hasouru nia!’. 8Fetoran beik sira dehan ba matenek sira: ‘Fo imi nia mina uitoan mai ami, basa ami nia ahi oan atu mate dau-daun.’ 9Maibe matenek sira hatan: “Keta la to’o ba ami no ba imi, diak liu imi ba sira nebe fa’an hodi sosa ba imi nia an rasik.’ 13Ne’e duni, imi matan moris neon na’in, basa imi la hatene loron ka oras.”
Today's Pointers on God's Word
As you read the passage what words, phases or meanings caught your attention?
- Iha evangelho ohin, wainhira Jesus dehan,”matan moris, tamba imi la hatene loron ka horas,” Nia fó hanoin ita atu hela vigilante iha ita nia fiar.
- Ita bele iha razaun barak atu hanoin katak tempu ba Jesus nia mai ba darua nian”, i.e. iha tempu ikus mundo nian mak sei dok. Kontrario, Jesus fó hanoin ita katak ida ne’e bele akontese kualker tempu. Ita bele mate kualker tempu.
- Husu ba ita-an pergunta ida ne’e: ‘ha’u prontu ba Kristu nia mai fali?’ konklui reflesaun ida ne’e ho orasaun: Aman, fó mai hau ita nia grasa sira atu moris fiél no vigilante lor-loron katak ita bele glorifika iha tempu hot-hotu. Amen”.