DGEMs

Maluk sira mak Kristu hadomi,

“Liurai Feto Maria” – Fiar: Ohin, Igreja fó honra ba Maria hanesan Liurai Feto” tamba Nia oan mak Liurai ba liurai hot-hotu”. Ida ne’e mós tamba Maria nia fiar, esperança, domin ne’ebé kle’an no laiha kondisaun ba Maromak, ho nia haraik-an ne’bé bot atu moris tuir Maromak Aman nia vontade”. Reflete; evangelho ohin nian kona-bá anunsiasaun afirma lia los ida ne’e kona-bá Maria”.

Anju Gabriel fo hatene ba Maria katak Jesus atu moris

26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebe hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan. 34Maria husu ba anju: “Ne’e sei sai oin sa los, basa ha’u la hola mane?” 35Anju hatan ba nia dehan: “Espiritu Santu sei tun ba o no Na’i aas liu hotu nia kbiit sei hamahan o. Tan ne’e santu nebe atu moris sei hanaran An ‘Maromak nia Oan.’ 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.