19ª Semana Tempu Komun: Assunsaun Virgem Maria nian, Kinta-Feira, loron 15, fulan Agostu, 2024 August 15, 2024
Reflection on the WORD
Maluk sira mak Kristu hadomi,
“Asunsaun Maria nian” – Fiar Iha evangelho ohin, Isabel dehan ba Maria, “tansa ha’u hetan rahun diak ho hetan visita husi Inan ha’u nia Na’i nian? Reflete; Maria kous Jesus, ita nia Na’i no Salvador, liu husi Espíritu Santu. Nia moos no sala la’ek iha nia moris tomak. Nia moris tuir Maromak nia vontade perfeitamente, no kaer metin nia kruz sira ho haraik-an. Maromak hi’it Nain Feto ba lalehan isin no klamar tomak.
Pe. Philip Heng, S.J.
Luke 1:39-47
Maria ba hare Isabel
39Iha loron hirak neba Maria hiit an lalais ba foho, ba knua ida iha Juda. 40To’o tiha Zacarias nia uma, nia kumprimenta Isabel. 41Wainhira Isabel rona Maria nia lia, kosok oan book an iha nia knotak ho ksolok. Nakonu ho Espiritu Santu, 42Isabel koalia ho lia makaas dehan: “Ita boot diak liu feto hot-hotu! Ita boot nia oan diak liu! 43Be ha’u se los atu ha’u Na’i nia inan hiit an mai ha’u nia uma? 44Basa, ita lia kumprimento nian to’o tiha iha ha’u tilun, kosok oan book an ho ksolok iha ha’u knotak. 45Rahun diak ba ida nebe fiar katak lia nebe Na’i hateten sei sai tuir los duni.” 46Maria hatan: “Ha’u klamar hahi Na’i, 47ha’u neon haksolok iha Maromak ha’u Maksoin.
Today's Pointers on God's Word
As you read the passage what words, phases or meanings caught your attention?
- Iha evangelho ohin, ita haré katak Maria mak espesialmente hetan rahun diak husi Maromak. Lia fuan “rahun diak” [makarios iha Gregu) literalmente signifika “ksolok ou beatitudes”. Nia deskrebe tipo ksolok ida ne’ebé serene no labele toka, no independente husi tempu, opportunidade no mudansa sira iha sirkuntânsia moris nian.
- Espíritu Santu horik iha ita idak-idak no posibilita mós ita atu hatene no experiênsia ita nia realidade fiar nian iha Jesus, ita nia Na’i no Maksoin.
- Orasaun lor-loron atu nune’e bele hetan dalan husi Espíritu Santu no ba grasa sira atu krese iha ita nia fiar, esperansa no domin ba Maromak.