18ª Semana Tempu Komun: Sesta-Feira, loron 09, fulan Agostu, 2024 August 9, 2024
Reflection on the WORD
Maluk sira mak Kristu hadomi,
“Kruz Kristu nian” – Fiar: Iha evangelho ohin, Jesus proklama ba nia discípulo sira fiar radikal, katak sira presiza simu Nia Kruz no pronto atu mate ba Nia, se sira tuir Nia. Reflete; “ho de’it kbi’it Espíritu Santu nian, no ita nia domin ne’ebé kle’an ba Maromak ita Aman, ita bele moris iha evangelho ho radikal ba Jesus. Ita pronto ou ita tauk atu tuir Jesus?
Pe. Philip Heng, S.J.
Matthew 16:24-28
Sei halo sa ida atu tuir Jesus
24Tuir mai, Jesus dehan ba nia eskolante sira: “Ema ruma hakarak tuir Ha’u karik, nia sei hewai nia an rasik, sei lori nia krus hodi tuir Ha’u. 25Tan ema nebe hakarak soi nia moris sei lakon moris ne’e; maibe ema nebe lakon nia moris tamba Ha’u sei hetan fali nia. 26Ema ida manan los sa wainhira nia manan mundu tomak, maibe lakon nia moris? Ka, ema bele fo los sa ida atu troka ho nia moris? 27Basa Oan Mane sei mai iha nia Aman nia gloria, ho Nia anju sira hodi fo ema hotu nia kolen tuir ida-ida nia hahalok. 28Tebes, Ha’u dehan ba imi katak ema balun iha ne’e sei la mate molok sira hare Oan Mane to’o mai iha nia reinu.”
Today's Pointers on God's Word
As you read the passage what words, phases or meanings caught your attention?
-
Iha evangelho ohin, Jesus tau/hatur kondisaun sira atu la’o tuir Nia. Ba ita balun, Jesus nia lia fuan bele sai kroat no ladun iha promesa.
-
Maski Nune’e, Jesus fó hanoin de’it ba ita atu rai iha ita nia perspektiva ita nia riku soin ne’ebé ita hetan no ita depende iha sasan mundo ne’e nian ne’ebé la permanente.
-
Atu bele lori perspektiva Jesus nian iha moris, ita tenki iha simplicidade no la buka-an de’it, hanesan Jesus hatudu ona ba ita. Nune’e, ita nia moris sei la destraido no sentralizadu iha buat ne’ebé la essensial ne’ebé dada ita dok husi Maromak nia Reinu. Harohan ba forsa atu moris iha Jesus nia dalan.