DGEMs

Maluk sira mak Kristu hadomi,

“Se mak Jesus?” – Fiar: Iha evangelho ohin, Jesus mak konvida ita atu hatene nia pesoalmente. Pedro nia fiar iha Jesus kle’an los no pessoal katak Maromak Aman, bele revela ba nia, katak Jesus mak Kristu, Maromak Moris nia Oan. Reflete; ita nia fiar iha Jesus kle’an no pessoal hanesan Pedro nian? Ita fó sasin ita nia relasaun ho Jesus ne’ebé autentikamente lor-loron?”

Pe. Philip Heng, S.J.

Pedro nia fiar

13To’o tiha rai Sesareia Filipe nian, Jesus husu ba nia eskolante sira: “Ema sira dehan Oan Mane ne’e se los?” 14Sira hatan; “Balun dehan katak Nia mak Joao Baptista, seluk katak Elias, seluk fali katak Jeremias ka profeta ruma.” 15Jesus dehan ba sira; “Imi fali? Imi dehan Ha’u se?” 16Simao Pedro simu hodi dehan: “Ita Boot mak Kristu, Maromak moris nia Oan.” 17Jesus hatan ba nia : “Ksolok ba o, Simao, Jonas nia oan, basa la’os isin ka ran mak hatudu buat ne’e ba o, maibe Ha’u nia Aman nebe iha lalehan. 18Ha’u dehan fali ba o, ‘O Pedro, no iha fatuk ne’e nia leten Ha’u sei harii Ha’u nia kreda; infernu nia odamatan sira sei la bele halo buat ida hasouru nia. 19Ha’u sei fo siabe reinu lalehan nian ba o; buat hotu nebe o futu iha rai, sei futu mos iha lalehan; no buat hotu nebe o kore iha rai, sei kore mos iha lalehan.’”