DGEMs

Maluk sira mak Kristu hadomi,

“Fiar ho Humildade”: Iha evangelho ohin, feto Kananeia husu ho haraik-an ba Jesus atu duni sai espírito a’at ne’ebé estraga nia oan feto. Reflete; ita moris no prátika ita nia fiar ho haraik-an?Ou ita exige Jesus ho arogansia no foti-an, hanesan ita la presiza Nia?Haraik-an maka virtude boot liu; ne’ebé mak ajuda ita hakle’an ita nia domin ba Jesus.

Pe. Philip Heng, S.J.

Feto housi Kanaan

21Sai tiha housi neba, Jesus liu ba rai Tiro no Sidonia nian. 22Iha oras neba feto Kanaan ida nebe mai housi rai neba hahu hakilar dehan: “Na’i, David nia Oan, sadia ha’u: diabu fo terus boot ba ha’u nia oan feto.” 23Maibe Nia la hatan lia fuan ida. Eskolante sira hakbesik ba Nia hodi husu: “Hatan tiha ba nia ba, basa nia hakilar bei-beik tuir ita.” 24Nia hatan: “Ha’u mai deit ba bibi sira nebe lakon housi umakain Israel nian.” 25Maibe feto ne’e mai hakneak iha Nia oin dehan: “Na’i, tulun ha’u!” 26Nia simu: “La diak hasai oan sira nia aihan hodi soe fali ba asu oan sira!” 27Feto ne’e dehan fali: “Ne’e los duni, Na’i; maibe asu oan sira mos han etu mumun nebe monu housi sira na’in nia meja.” 28Jesus hatan ba nia: “Feto, o nia fiar boot tebes! Halo duni tuir o hakarak ba.” Iha oras neba, nia oan feto hetan fali isin diak.