DGEMs

Maluk sira mak Kristu hadomi, 

“Transfigurasaun Na’i nian” – Fiar: Iha evangelho ohin, Jesus nia transfigurasaun, revela Ninia divindade hanesan Maromak Oan; ba Pedro, Tiago no João. Reflete; “ema barak fó-an ona ba mate no hakarak mate ba sira nia fiar iha Jesus hanesan sira nia Salvador! Maibé, ema barak mós ladun valoriza ba Jesus. Nune’e, ita nia fiar ne’e superficial de’it ou relasaun ne’e konekta ho ita nia dezeju kle’an no objetivo kle’an iha ita moris?

Jesus nakfila An

2Liu tiha loron ne'en, Jesus lori Pedro, Tiago no Joao mesa-mesak ba foho aas ida. Nia nakfila An iha sira nia oin. 3Nia hena sira sai nabilan liu, mutin teb-tebes; ema fase roupa ida iha rai ne'e la bele halo mutin liu tan. 4Hafoin Moises no Elias mosu ba sira hodi koalia ho Jesus. 5Pedro koalia dehan ba Jesus: “Mestre, diak tebes mai ami horik ona iha ne'e! Ami halo takabaluk tolu; ida ba Ita, ida ba Moises no ida ba Elias.” 7Kalohan ida tun mai, taka sira. Housi kalohan ne'e, sira rona lia ida dehan: “Ida ne'e mak Ha’u Oan doben. Imi rona Nia ba!” 8Teki-teki, sira hare ba sorin sorin maibe la hare tan ema ida; Jesus mesak deit ho sira. 9Tun dau-daun housi foho, Jesus haruka sira la bele haktuir ba ema ida buat nebe sira hare, molok Oan Mane moris hi’as housi mate.