DGEMs

Maluk sira mak Kristu hadomi,

“Ita nia Hatan iha Fiar”:Iha Evangelho ohin nian, Jesus haktuir kona-bá “aiknanoik ema ne’ebé kari fini.”  Nia enfatiza oinsá ita ida-idak nia hatan ba Nia lahanesan no ita ida-idak habelun Nia mos lahanesan  iha ita nia fiar. Ita balun hatan no habelun Nia superfisial no ita lakon ita nia fiar fasilmente, maski ema seluk bele ku’u sira nia fini tolu-nulu, neen-nulu no atus-ida. Reflete; respostas ida ne’ebé mak deskreve ita nia fiar iha Jesus?”

Pe. Philip Heng, S.J.

Aiknanoik kona ba ema nebe kari fini

1Iha loron hirak neba Jesus sai housi uma hodi tur iha tasi ibun. 2Ema barak teb-tebes mai hale’u Nia; tan ne’e Nia tur iha ro ida nia laran, ema lubun boot tur iha tasi ibun. 3Nia hanorin buat barak ba sira ho aiknanoik dehan: “To’os na’in ida ba kari fini iha to’os laran. 4Nia kari fini dau-daun, balun monu iha dalan ninin, manu sira mai han. 5Fini seluk monu iha fatuk laran iha nebe rai uitoan deit; sira ne’e moris kedas basa rai la dun klean; 6maibe loron sa’e, sunu tiha sira tan abut la iha, hafoin sira sai maran. 7Fini seluk monu iha aitarak klaran; aitarak sira moris mai, hanehan sira to’o mate. 8Fini seluk monu iha rai diak hodi fo fuan: balun dala atus ida, seluk ne’en nulu; seluk fali tolu nulu. 9Ema nebe iha tilun, rona ba!”