16ª Semana Tempu Komun: Domingu, loron 21 fulan Julho, 2024 July 21, 2024
Reflection on the WORD
Maluk sira mak Kristu hadomi,
“Tempu nonok ba orasaun”-Fiar:Iha Evangelho ohin nian, Jesus lia-tun ba Nia apóstolu sira atu ba “fatin fuik” ida hodi deskansa no han; sira serbí ona ema lubun boot loron tomak. Reflete; “wainhira ita serbí Maromak, ita mos presiza “deskansa”. Maibé ita tenki serbí Maromak, laos tanba atividade rutina no obrigasaun, maibé ita tenki serbí ho domin ba Maromak; atu haboot Nia glória, laos ita nia-an.
Pe. Philip Heng, S.J.
Mk 6:30-34
30Apostolu sira fila halibur an ho Jesus, hodi haktuir ba Nia buat hotu nebe sira halo no hanorin.31Nia lia tun ba sira dehan: “Mai mesak ba fatin fuik ida atu tur halimar uitoan.” Basa ema barak tebes la'o mai la'o ba, sira la biban atu han. 32Sira sa'e ro hodi hadook an ba fatin fuik ida. 33Ema hare sira dada an, no ema barak hatene kedas. Nune'e, housi knua sira hotu, ema barak halai housi rai, no to'o uluk liu sira iha fatin neba. 34Wainhira Jesus tun housi ro, Nia hetan ema lubun boot ida. Nia hanoin ema sira ne'e teb-tebes, basa sira hanesan bibi nebe bibi atan la iha. Nia hahu hanorin sira buat barak.
Today's Pointers on God's Word
As you read the passage what words, phases or meanings caught your attention?
- · Pasajen Evangelho ida ne’e aplika mos ba ita nia situasaun ohin loron hanesan durante Jesus Nia tempu. Ita preokupa ho moris; ita iha difikuldade atu fó tempu ba ita-an, nune’e mos Jesus. Maibé Nia sempre buka tempu atu hamutuk ho Maromak iha solidaun.
- · Ita presiza halo hanesan ne’e, karik ita efetivamente serbí ema seluk no karik ita la sente kolen fizikamente no emosionalmente. Ita hetan ita nia kbiit mai hosi Maromak. Wainhira ita lakon kbiit, Maromak de’it mak bele hakonu hikas ita nia-an ho Nia grasa.
- · Reza ho fuan tomak,” Bibi-Atan Di’ak, bolu ita ho ita naran rasik atu horik hamutuk ho Nia.”