14ª Semana Tempu Komun: Sábadu, loron 13 fulan Julho, 2024 July 13, 2024
Reflection on the WORD
Maluk sira mak Kristu hadomi,
“Jesus ita nia Mestre”- Fiar:Iha Evangelho ohin nian, Jesus lia-tun ba Nia Apóstolu sira, “eskolante ida la boot liu nia mestre, ka sai atan ba nia mestre.” Reflete; wainhira ita diserne Maromak Nia hakarak... ita saran ita nia hakarak ba Maromak ho haraik-an no ho laran mos buka saida mak Maromak hakarak tebes mai ita? Ka ita tau kondisaun ruma iha ita nia disernimentu tanba ita nia ta’uk sira no habelit-an sira?
Pe. Philip Heng, S.J.
Mt 10:24-29
24Eskolante la bele boot liu fali mestre, atan la bele boot liu fali nia na’i. 25Eskolante ida sai hanesan nia mestre to’o ona, no mos ba atan sai hanesan nia na’in. Ema hanaran uma na’in Belzebu karik, oin sa liu tan mak sira sei hanaran sira nebe hela iha nia uma laran! 26Ne’e duni, keta tauk sira ba, basa la iha buat nebe subar hela nebe ema sei la fo sai, eh buat nebe naksubar nebe ema sei la hatene. 27Buat nebe Ha’u dehan ba imi iha nakukun laran, imi sei fo sai iha naroman; buat nebe imi rona sub-subar deit, imi sei haklaken housi uma nia kakuluk leten.”
Tauk deit Maromak
28“Keta tauk ema sira nebe oho isin lolon, maibe la bele oho klamar. Maibe tauk ba ida nebe bele halo lakon isin no klamar hotu iha infernu. 29Manu oan rua la fa’an ba doit ida? Maibe sira ida la monu ba rai wainhira imi Aman la husik.
Today's Pointers on God's Word
As you read the passage what words, phases or meanings caught your attention?
- · Iha Evangelho ohin nian, Jesus enkoraja ita atu labele husik ta’uk kontrola ita nia moris. Ta’uk bele paraliza ema ida nia relasaun ho ema seluk no ta’uk bele paraliza ita atu moris ho normal.
- · Ita bele ta’uk lakon buat barak iha moris, hanesan ita nia seguransa finanseira, saúde no ema ne’ebé ita hadomi mate tiha ona. Maibé trajedia boot teb-tebes iha ita nia moris mak atu lakon ita nia fiar iha Maromak, basá wainhira “lakon Maromak,” ita lakon buat hotu iha moris, inkluindu ita nia identidade.
- · Hamta’uk Maromak ne’ebé saúdavel mak iha reverénsia ba Nia ne’ebé kbiit tomak na’in no hadomi buat hotu tuir Nia dalan sira. Hamta’uk hanesan ne’e bele tulun ita atu espiritualmente krese hanesan ita aprende dau-daun lor-loron atu hadomi Na’i Maromak nu’udar ita nia autor da vida.