14ª Semana Tempu Komun: Kuarta-Feira, loron 10 fulan Julho, 2024 July 10, 2024

Reflection on the WORD

Maluk sira mak Kristu hadomi,

 

“Kbi’it Divinu”-Fiar: Iha Evangelho ohin nian, Jesus haruka Nia eskolante sira hodi ba haklaken Lia-Foun Di’ak Salvasaun nian. Nia hakbiit sira ho kbiit divinu nian hodi kura moras oi-oin no sasin ba Jesus Nia Lialos, Domin no Laran Luak/Mizerikordia ba ema hotu-hotu. Reflete; ita mos sei esperimenta Jesus Nia kbiit divinu iha itania-an, karik ita dezeija profundu los atu sasin ba Jesus Nia Lialos, Domin no Laran Luak/ Mizerikordia.”

Pe. Philip Heng, S.J.

Mt 10:1-7

Jesus fihir apostolu sira hodi fo knaar ba sira

1Nia bolu nia eskolante sira na’in sanulu resin rua hodi fo kbiit ba sira atu duni sai espiritu foer sira, no mos atu fo isin diak ba sira hotu nebe terus moras oi-oin. 2Apostolu sira nia naran mak ne’e: ida uluk, Simao nebe ema hanaran Pedro, ho nia alin Andre; Tiago, Zebedeu nia oan, ho nia alin Joao; 3Filipe ho Bartolomeu, Tome ho Mateus publikanu, Tiago, Alfeu nia oan, ho Tadeu, 4Simao Kananeu ho Judas Iscariotes, nebe sei saran Nia.

            5Jesus haruka ema na’in sanulu resin rua ne’e la’o ba hodi hanorin uluk sira dehan: “Keta tuir gentiu sira nia dalan, keta tama iha Samaritanu sira nia sidade, 6maibe buka uluk bibi sira nebe lakon housi umakain Israel nian. 7Tuir dalan, haklaken ba katak reinu lalehan besik ona.

Today's Pointers on God's Word

As you read the passage what words, phases or meanings caught your attention?

  • ·        Povu Israelita sira mak Maromak Nia emar eskollidu no Jesus Nia Liafoun Di’ak Salvasaun nian uluk-knana’in fó ba sira.  
  • ·        Maske wainhira Israelita sira rejeita Liafoun Di’ak, Jesus ho Ninia apóstolu sira koko maka’as hodi haklaken ba sira. Liafoun Di’ak hafoin haklaken ba ema seluk hanesan jentiu sira.
  • ·        Salvasaun haraik ba ema hotu no laos de’it ba ita nia salvasaun privada. Tan ne’e, ita labele uza tuir ita nia hakarak’; ita tenki valoriza salvasaun nu’udar ita nia prémiu presiozu tebes no ita reza ba grasa atu iha paixaun hodi fahe salvasaun ne’e ho ema seluk.