13ª Semana Tempu Komun: Sábadu, loron 6 fulan Julho, 2024 July 6, 2024
Reflection on the WORD
Maluk sira mak Kristu hadomi,
“Jesus-Mesias-Ita nia Moris”:Iha Evangelho ohin nian, Jesus haklaken katak nu’udar Mesias ne’ebé horik hela ho Nia eskolante sira, ida ne’e tempu espesial haksolok no bensaun boot, laos atu triste fali. Reflete; ita nia-an nakonu ho ksolok no zelu atu moris tuir Maromak Nia dalan sira no fahe ita nia fiar ho ema seluk ka la’e? Basá ida ne’e mak sira mos sei simu Jesus nu’udar sira nia maksoin no Na’i.
Pe. Philip Heng, S.J.
Mt 9:14-17
14Liu tiha ne’e, Joao nia eskolante sira hakbesik ba Nia dehan: “Tansa mak ami ho fariseu sira hadera an, maibe o Nia eskolante sira lae?” 15Jesus hatan ba sira: “Noivu nia belun sira bele laran susar wainhira noivu sei hela ho sira? Loron sei to’o mai wainhira ema sei hasai noivu housi sira le’et; iha loron ne’e mak sira sei hadera an.”
16“Ema ida la bele taka hena tuan nia kuak ho hena foun, basa hena foun les hena tuan, halo kuak sai boot liu. 17Ema la tau tua foun iha kusi kulit tuan; lae karik, kusi kulit nakfera, tua nakfakar no kusi kulit aat hotu. Tau tua foun iha kusi kulit foun; nune’e buat rua ne’e la lakon.”
Today's Pointers on God's Word
As you read the passage what words, phases or meanings caught your attention?
- · Atu sai Jesus Nia eskolante mak atu esperimenta ksolok foun relasaun tomak ne’ebé atu hanesan ho ksolok ne’ebé noiva no noivu simu iha sira nia kazamentu.
- · Maibé, Na’i Nia eskolante sira mos esperimenta susar no terus. Ita mos presiza buka Na’i Nia perdaun liu-hosi hadera-an no hakribi ita nia salan sira.
- · Ita sente haksolok ho Na’i Nia prezensa no espresa ita nia laran moras no kontrisaun ba ita nia nia salan sira ka la’e? Hanoin took ba, oinsá ita hetan rahun di’ak tebes, basá Jesus bolu ita atu hatene, hadomi, no serbí Nia hanesan Nia eskolante sira.