13ª Semana Tempu Komun: Sesta-Feira, loron 5 fulan Julho, 2024 July 5, 2024

Reflection on the WORD

Maluk sira mak Kristu hadomi,

 

“Mateus nia Bolu”- Fiar: Iha Evangelho ohin nian, Jesus bolu Mateus, ema kobrador impostu; maksalak publikanu ida atu sai Jesus Nia apóstolu. Mateus sente hakfodak teb-tebes basá Jesus bolu nia. Reflete; Maromak Nia hakarak no Nia dalan sira laos ita nia hakarak no laos ita nia dalan sira. Nia julga ita ho mizerikórdia boot tebes. Rai-metin nafatin Maromak Nia mizerikórdia, kompaixaun no bensaun sira iha tempu hotu-hotu.  

Pe. Philip Heng, S.J.

Mt 9: 9-13

Jesus bolu Mateus

9Sai tiha housi neba, Jesus hare ema ida naran Mateus, tur hela iha fatin kobra impostu nian hodi dehan ba nia: “Tuir Ha’u mai!” Nia hamriik hodi tuir Jesus. 10Jesus tur hela iha uma laran, ema publikanu no maksalak barak mai tur ho Nia, hamutuk ho nia eskolante sira. 11Hare tiha ne’e, fariseu dehan ba eskolante sira: “Nusa mak imi nia Mestre han hamutuk ho publikanu no maksalak sira?” 12Rona tiha sira, Jesus dehan: “La’os sira nebe isin diak mak kuran doutor, maibe sira nebe moras. 13Imi buka hatene liafuan ne’e katak sa: ‘Ha’u hakarak laran luak, la’os sakrifisiu.’ Basa Ha’u mai la’os atu bolu ema los sira, maibe ema maksalak sira.”

Today's Pointers on God's Word

As you read the passage what words, phases or meanings caught your attention?

  • ·     Farizeu sira hatós sira nia fuan ho hahalok justisa prória no pre-konseitu kona-bá se mak Jesus no saida mak Nia hanorin. Tan ne’e sira rejeita mizerikórdia no Liafoun Di’ak Salvasaun nian ne’ebé Jesus haklaken. 
  • ·     Maibé Mateus ne’ebé karik ninia komunidade despreza, halo nia iha prontidaun atu loke-an ba Lialós Liafoun Di’ak nian ne’ebé Jesus haklaken dau-daun. Nia responde ho prontiduan no lalais wainhira Jesus bolu nia.
  • ·     Jesus mos bolu dau-daun ha’u inkondisionalmente, perdua dau-daun ha’u inkondisionalmente, no hadomi dau-daun ha’u inkondisionalmente. Saida mak ha’u nia resposta ba Nia? Reflete; karik ha’u hanesan Mateus, ha’u nia fuan sei bele nakloke no sei bele hakarak hetan transformasaun liu-hosi Jesus Nia domin no mizerikórdia mai ha’u.