DGEMs

Maluk sira mak Kristu hadomi,

 “Haraik-an – Fiar”:Iha evangelho ohin nian, Jesus halo moris fila fali Jairo, oficial sinagoga nia oan feto. Jairo husu ba Jesus milagre ida, ho fiar kle’an no haraik-an. Reflete; “wainhira ita husu ba Maromak ita nia nesesidade, ita nia fiar iha Na’i Maromka ne’e kle’an ou fahe ba rua? No ita mós haraik-an ita nia pedido ba Na’i Maromak, ita totalmente depende ba Maromak nia laran luak, domin no providensia?

Pe. Philip Heng, S.J.

Jairo

22Na’i ulun sinagoga nian ida, naran Jairo,  to'o mai. Hare tiha Jesus, nia monu ain 23hodi husu nune'e, “Ha’u oan feto besik atu mate. Hiit an mai ba,  tau liman ba nia atu soi nia, nune'e nia bele moris.” 24Jesus la'o hamutuk  ho nia. Ema lubun boot tuir Nia. Ema ida-ida buka atu hakbesik Nia.

36Maibe, rona tiha liafuan hirak ne'e, Jesus dehan ba sinagoga nia na’i ulun, “O keta tauk. Fiar de’it  ba.” 37Nia la husik ema ida tuir Nia. Nia lori de’it Pedro, Tiago no Joao, Tiago nia alin. 38 Sira to'o tiha na’i ulun sinagoga  nian nia uma,  Jesus hetan ema barak book an maka’as; hodi tanis,  no hakilar.  39 Nia tama hodi dehan ba sira, “Tansa imi book an maka'as hodi tanis? Labarik feto ne'e la mate; nia toba de’it!” 40Sira hasara Nia. Nia haruka sira sai hotu. Nia lori labarik nia aman no inan, ho tan sira ne’ebé mai hamutuk ho Nia ba fatin ne’ebé labarik hela. 41Nia kaer labarik nia liman hodi dehan ba nia, “Talitha, kum!” katak “Noy, hamriik ba.” 42Labarik feto ne'e hamriik kedas hodi hahu la'o mai la'o ba, basa nia iha ona tinan sanulu resin rua. Ema hotu hakfodak no bilan teb-tebes. 43Jesus lia tun ba sira hodi bandu atu ema la bele hatene buat ne'e. Hafoin Nia haruka sira atu fo han ba nia.