DGEMs

Maluk sira mak Kristu hadomi,

“João Batista nia moris” - Fiar: Epizódiu evangelho ohin nian hateten mai ita kona-bá João Batista nia moris ne’ebé milagrozu no naran divina ne’ebé fó ba João Batista. Buat sira ne’e hotu Maromak nia planu espesial no prepara Nia atu sai ema ida ne’ebé haklaken kona-bá Jesus hanesan Mesias ne’ebé atu mai. Reflete; “Ita especial duni ba Na’i Maromak ka la’e no oinsá ita bele sai sasin ba Nia boot liu tan, ho koragen no ho kreativo.

Pe. Philip Heng, S.J.

João nia moris

            57Wainhira tempu to’o ona ba Isabel, nia tur ahi oan mane ida. 58Rona tiha katak Na’i hatudu laran luak boot ba nia, nia maluk no parenti sira haksolok ho nia. 59Liu tiha loron ualu, sira mai atu halo sirkunsisaun kosok oan nian. Sira hakarak hanaran nia Zacarias, tuir nia aman; 60maibe nia inan dehan: “Lae, nia naran Joao.” 61Sira dehan fali ba nia: “Iha imi nia parenti sira le’et la iha ema ida ho naran ne’e.” 62Tan ne’e, ho sinal oi-oin, sira husu ba nia aman: nia hakarak fo naran sa ba nia oan. 63Nia husu surat tahan ida hodi hakerek: “Nia naran Joao.” Sira hotu hakfodak. 64Zacarias nia ibun nakloke kedas, nia nanal mamar fali, nia ko’alia hodi hawelok Maromak. 65Sira hotu ne’ebé hela besik neba tauk teb-tebes. Lia hirak ne’e hotu naklekar iha foho rai Judeia tomak. 66Sira hotu ne’ebé rona buat hirak ne’e rai hela iha sira nia laran hodi dehan ba sira an rasik: “Labarik ne’e sei sai sa los?” Basa, tebes duni, Na’i nia liman hela ho nia.80Labarik sai boot, nia laran metin liu tan. Nia horik iha rai fuik maran to’o loron ne’ebé nia hatudu an ba Israel.