DGEMs

Maluk sira mak Kristu hadomi,

 “Maromak nia Reinu”– Fiar: iha evangelho ohin nian, Jesus haklaken katak Maromak nia Reinu mai hanesan mustarda musan (musan kiik liu hotu) ne’ebé wainhira ita kuda, sei moris ho nia tempu rasik to’o tempu atu halo colheta. Reflete; “ Maromak nia Reinu krese tuir Maromak nia dalan liu husi mistério divinu ne’ebé ultra passa ita nia kompreensaun humana ne’ebé limitada. Ita fiar iha providensia divina, ho ksolok no paz?

Pe. Philip Heng, S.J.

Aiknanoik musan nian

            26Nia dehan mos, “Maromak nia Reinu hanesan ne'e: Ema kuda musan iha rai. 27Kalan loron, nia toba ka hader, musan ne'e moris no sai boot; oin sa los, nia la hatene. 28Housi nia kbiit rasik, rai lori nia atu fo fuan: uluk dikin, hafoin fulin, no ikus mai trigu ne’ebé tasak ona.29Wainhira trigu tasak ona, ema ne'e kaer tudik, basa tempu atu ko'a trigu to'o ona mai.”

            30Nia dehan tan; “Ita sei usa ilas ida ne’ebé atu hatudu Maromak nia Reinu? Ho aiknanoik sa mak ita sei hatudu nia? 31Nia hanesan mustarda musan ida ne’ebé wainhira ema kari iha rai mak kiik liu musan sira hotu iha  raiklaran, 32maibe kuda tiha, nia moris no sai boot liu hodi hatubun sanak bo-boot atu nune'e manu sira iha lalehan bele subar an iha nia mahon.”

            33Ho aiknanoik barak hanesan ne'e, Nia haklaken ba sira tuir buat ne’ebé sira bele komprende. 34Ba sira, Nia ko’alia ho aiknanoik de’it, maibe ba eskolante sira, wainhira sira mesa-mesak de’it, Nia fo hatene mo-mos buat hotu.