DGEMs

Maluk sira mak Kristu hadomi,

 “Sasin ita nia fiar”: Iha evangelho ohin nian, Jesus proklama ba nia eskolante sira, katak sira nia fiar tenki sai sasin ho komentariu radikal, la’os hanesan eskribas no fariseu sira nia fiar ne’ebé superfisial no fingidu. Reflete; “ita nia kompromisu ne’ebé profundo no domin, tuir Jesus nia dalan no Aman nia hakarak, sei revela kualiadde ita nia sasin ba ita nia fiar.

Pe. Philip Heng, S.J.

20Basa ha'u dehan ba imi katak imi nia justisa la boot liu eskriba no fariseu sira nian karik, imi sei la tama iha Reinu lalehan.”

            21“Imi rona katak uluk ema dehan ba ita nia bei ala sira: ‘Keta oho; no ema sei tesi lia ba ida ne’ebé oho.’  22Ha'u fali dehan ba imi; ‘Ema ne’ebé laran nakali hasouru nia maun alin sira, ema sei tesi lia hasouru nia; ema ne’ebé dehan ba nia maun alin: ‘beik’ sei hatan iha Sinedriu; no ema ne’ebé dehan ‘bulak’ sei trus iha ahi infernu nian.’ 23Ne'e duni, wainhira o atu hasa'e o nia buat karan iha altar no hanoin fali iha neba katak o nia maun alin iha buat ruma hasouru o, 24husik lai o nia buat karan iha altar oin hodi ba uluk dame malu ho nia, hafoin mai hasa'e o nia buat karan. 25Buka dame malu lalais ho ema ne’ebé kontra o wainhira imi la'o hamutuk ba tribunal; lae karik, nia bele saran o ba juiz, juiz saran fali o ba guarda, no guarda hatama o ba kadeia. 26 Tebes, Ha'u dehan ba o, o sei la sai housi neba to'o o selu hotu.”