DGEMs

Maluk sira mak Kristu hadomi,

“Sala eterna”- Fiar: Iha Evangelho ohin nian, Jesus haklaken, “sala sira hotu sei hetan perdaun, maibé sala ne’ebé hasouru Espíritu Santu sei la hetan perdaun; Reflete; Exemplu sala sira hanesan ne’e mak adora diabu,” iha ne’ebé objetivu diabu sira nian ne’e maka atu estraga Maromak nia lia los. Mai ita kontinua “serbí no sasin ba Maromak ita nia Aman, ne’ebé domin nain no laran luak.

Pe. Philip Heng, S.J.

Jesus no diabu sira nia na’i ulun

            20Jesus tama ba uma ida, no dala ida tan, ema lubun boot buka Nia.  Tan ne'e Nia la bele han.  21Wainhira Nia parenti sira rona kona ba ida ne'e, sira sai atu kaer Nia, basa sira dehan katak Nia bulak ona. 22Eskriba sira nebe mai housi Jerusalem  dehan: “Nia iha diabu,” no “Nia  duni sai diabu sira hodi diabu sira nia ulun nia naran.” 23Ne’e duni Jesus bolu sira hodi haktuir aiknanoik ida ba sira dehan: “Oin sa mak diabu bele duni sai diabu? 24Reinu ida fahe an karik, reinu ne'e la bele tahan. 25Umakain ida la iha unidade karik, umakain ne'e la bele hela kleur; 26nune’e mos Satanas hamriik hasouru nia an karik, nia fahe  an ona;  nia la bele tahan; nia rohan to'o ona 27Ema ida la bele tama iha ema maka'as nia uma hodi na’ok nia rikusoi molok nia, uluk knanain, kaer ema maka'as ne'e. Foin mak nia bele na’ok rikusoi sira.”

            28“Tebes Ha’u ba imi: ema sira nia sala no sira nia lia aat hasouru Maromak sei hetan perdua, maibé ema nebe hateten aat Espiritu Santu sei la hetan perdua ba nafatin. Nia halo sala rohan la’ek nian.”  29Ne'e tamba sira dehan: “Nia iha diabu.”