DGEMs

Maluk sira mak Kristu hadomi,

“Jesus kumpri escritura”- Fiar: Iha Evangelho ohin nian, Jesus nia mate, sona ho ai-tonka. Lia los ida ne’e kumpri propesia sagrada eskritura nian. Reflete; “Maromak nia planu salvasaun nian, liu husi Jesus nia mate ne’ebé kruel tebes. Ida ne’e revela Maromak nia laran luak ne’ebé laiha rohan atu salva ita husi ita nia destruisaun sala no terus sira. Oinsá maka ha’u aumenta Jesus nia terus no kontinua halo sala iha mundo?

Pe. Philip Heng, S.J.

Soldadu ida sona borus Jesus nia sorin

                  31Tamba loron neba loron hadia an nian, atu ema mate sira nia isin la bele hela iha krus iha loron Sabadu, tan Sabadu ne’e loron boot ida, Judeu sira husu Pilatos atu hatohar tiha sira nia ain, hodi hasai sira housi krus. 32Ne’e duni, soldadu sira mai baku tohar tiha ema uluk nia ain, hafoin ida seluk nian, sira nebe sira hedi iha krus hamutuk ho Jesus. 33To’o tiha Jesus, tan hare Nia mate tiha ona, sira la hatohar nia ain; 34maibé soldadu ida sona borus nia sorin ho diman no be kahur ho ran suli sai. 35Ema nebe hare buat ne’e, nia rasik mak fo sasin; nia lia sasin los tebes; nia hatene katak nia ko’alia los atu imi mos bele fiar. 36Buat sira ne’e mosu duni atu tuir eskritura: “Nia ruin ida mos ema sei la hatohar.” 37Escritura seluk tan dehan: “Sira sei fihir ema nebe sira sona borus.”