DGEMs

Maluk sira mak Kristu hadomi,

“Tauk ba Lia los Maromak nian - Fiar”: Iha Evangelho ohin, sacerdotes boot, eskriba  no katuas sira tauk atu simu Jesus hanesan Messias. Sira tauk atu hetan konversaun tamba sira gosta liu ba poder relijiozu no glória mundo nian ne’ebé falsa. Reflete; "Ita tauk atu buka Maromak nia hakarak tanba Maromak bele konvida ita atu hadok-ak husi sasan mundo nian no moris de’it iha Kristu no halo Nia sai sentru liu tan iha ita nia moris?”

Pe. Philip Heng, S.J.

Ema husu kona ba Nia kbiit

27Sira fila fali ba Jerusalem. Wainhira Jesus la'o dau-daun iha templu, amlulik boot sira no eskriba no katuas sira ba hasouru Nia. 28Sira dehan ba Nia, “Ho kbiit ida nebe mak o halo  buat ne'e? Eh, ema se mak fo kbiit ba O atu halo buat hirak ne'e hotu?” 29Jesus hatan, “Ha’u sei husu buat ida de’it ba imi. Imi hatan mai Ha’u karik, Ha’u mos sei hateten ba imi ho kbiit ida nebe los mak Ha’u halo buat ne'e hotu. 30Joao nia baptismu housi lalehan ka housi ema? Hatan mai Ha’u ba!” 31Sira haksesuk malu hodi dehan: “Ita dehan karik housi lalehan; Nia sei hateten ‘Tan sa imi lakohi fiar nia?’ 32Maibé ita hateten karik, ‘Housi ema,’ – sira tauk povu basa ema hotu fiar katak Joao ne'e profeta lo-los. 33Ne’e duni sira hatan ba Jesus dehan: “Ami la hatene.” Jesus dehan ba sira, “Ha’u mos la hateten ba imi ho kbiit ida nebe los mak Ha’u halo buat hirak ne'e hotu.”