DGEMs

Maluk sira mak Kristu hadomi,

“Valor iha Fiar – Salvasaun rohan la’ek”: Iha Evangelho ohin, Jesus haklaken ba Ninia eskolante sira katak labarik sira fraku no vulnerável; no preciozu iha Maromak Ninia matan. No, se ita tau-matan ba sira, ita sei simu ita-nia kolen. Maibé, se ita lori sala sira ba aat iha sira-nia fiar, ne’e salan bo’ot ida. Reflete: “Ita menus preokupa atu tau-matan ba formasaun fiar iha labarik sira no ema kiak no sira ne’ebé presiza liu ka la’e?”

Pe. Philip Heng, S.J. 

Jesus dehan ba Ninia eskolante sira, ‘Ema ne’ebé fó be kopu ida ba imi tan imi Kristu nian, Ha’u hateten kedas ba imi, ema ne'e sei la lakon nia kolen. Ema ruma dada karik ba aat labarik oan ida ne’ebé fiar Ha’u, di’ak liu tara fatuk hadulas batar nian ba ema ne'e nia kakorok, hafoin soe nia ba tasi laran.’

‘Ema hotu sei hamer an ho ahi. Masin di’ak, maibé wainhira masin lakon nia mer, oin sa mak o bele halo nia mer fali? Iha masin iha imi nia laran ba, hodi moris ho dame ho imi nia maluk sira.’