Festa: São José Operário: Kuarta-Feira, loron 01, fulan Maiu, 2024 May 1, 2024
Reflection on the WORD
Maluk sira mak Kristu hadomi,
“Jesus – Carpinteiro nia Oan” – Fiar: Iha Evangelho ohin, ema sira iha Jesus ninia knua hatene Nia nu’udar José Carpinteiru ninia Oan. Nune’e, sira iha prekonseitu ba Nia, nu’udar Messias. Reflete: “Hanesan José, ‘simplicidade’ kada ema ida bele sai ninia “santidade iha haraik-an”. Ita tane-as mundu nia rikusoin, poder, no popularidade bo’ot liu simplicidade--haraik-an?”
Pe. Philip Heng, S.J.
Mt 13:54-58
Jesus to’o tiha ninia rai, Nia hanorin iha sinagoga, halo ema hotu hakfodak hodi dehan: “Nia matenek ho nia kbiit hodi halo milagre hirak ne’e mai los housi ne’ebé? Nia la’os badaen ai nia oan? Nia inan nia naran la’os Maria, no mós nia maun alin nia naran la’os Tiago, José, Simão ho Judas? Nia feton la hela hamutuk ho ita? Ne’e duni, buat hirak ne’e hotu, Nia hetan los housi ne’ebé?”
No sira lakohi simu Nia. Maibé Jesus dehan ba sira: “Iha nia rai de’it no iha nia uma rasik mak ema hewai profeta ida.” Nia la halo milagre barak iha neba, tan ema sira la fiar.
Today's Pointers on God's Word
As you read the passage what words, phases or meanings caught your attention?
- Loron ohin mak Loron Serbisu-nain nian! Ita fó-honra ba São José, padroeiro ba serbisu-nain sira, karpinteiru haraik-an no Jesus ninia aman hakiak.
- Nu’udar Kristaun ita tenki menus kritiku ba ita-nia parentes no vizinu sira no la permiti familiaridade atu hamosu hirus, liuliu wainhira sira husi fatin humilde, kiak ka menus kapasidade husi ita.
- Wainhira ita tau-matan ba ema seluk, liuliu kiak no marginalizadu sira, ho dignidade no hatudu sira laran di’ak no kompaixaun, ita lori Kristu Ninia domin no naroman ba sira. Ne’e mak Jesus Ninia ukunfuan atu ita halo. Ita sei halo nune’e ba Nia?