DGEMs

Maluk sira mak Kristu hadomi,

“Jesus Ninia Dame” – Fiar: Iha Evangelho ohin, Jesus haklaken ba Ninia Eskolante sira, “Ha’u-nia dame Ha’u fó ba imi; dame ne’ebé mundu lebele fó; ida ne’e mak Ha’u-nia prezente ba imi.” Reflete: “Ita sei laiha dame klean no eterna se ita la moris-tuir Jesus Ninia Evangelho, no buka Ninia laran luak, wainhira ita halo sala. Mundu labele fó ita dame nune’e.”

Pe. Philip Heng, S.J.  

Jesus dehan ba Nia eskolante sira, ‘Dame Ha’u husik ba imi, Ha’u-nia dame Ha’u fó ba imi; la’os hanesan mundu fó mak Ha’u fó ba imi. Keta laran susar ba; keta tauk ba. Imi rona katak Ha’u hateten ona ba imi: Ha’u ba, no Ha’u sei fila fali ba imi. Imi hadomi tiha Ha’u karik, imi sei haksolok tan Ha’u ba Ha’u Aman, basá Aman boot liu fali Ha’u.’

‘Ha’u hateten sai buat ne’e kedas ba imi molok nia mosu, atu wainhira nia mosu, imi fiar. Ha’u sei la hateten tan buat barak ba imi, basá ukun nain mundu ne’e nian mai dau-daun ona. Nia laiha kbiit atu ukun Ha’u; maibé atu mundu bele hatene katak Ha’u hadomi Aman, no oinsa Aman haruka Ha’u, nune’e mak Ha’u halo.’