DGEMs

Maluk sira mak Kristu hadomi,

“Uniaun iha Jesus no Ninia Aman” – Fiar: Iha Evangelho ohin, Jesus haklaken katak Nia iha “Uniaun Perfeita” ho Ninia Aman; no buat hotu-hotu ne’ebé Nia halo mai husi Ha’u-nia Aman Nia hakaran. Reflete: “Mistériu Divinu ne’e nu’udar fiar ne’ebé revela mai ita katak Maromak ita-nia Kriador Ninia hakaran mak atu soi ita; liu-husi la’o-tuir Jesus, Ninia Oan, no inspirasaun husi Espírito Santo.”

Pe. Philip Heng, S.J.

Jesus dehan ba Ninia eskolante sira, ‘Ha’u mak uvas hun lolos, Ha’u Aman mak to’os nain. Sanak hotu ne’eb’e la fó fuan Nia hasai tiha, no sanak ne’ebé fó fuan Nia hamos didiak atu fó fuan liu tan. Imi moos ona tanba liafuan ne’ebé Ha’u hateten ona ba imi. Hela iha Ha’u ba, no Ha’u iha imi. Nu’udar uvas sanak ne’ebé haketak husi hun labele fó fuan mesa-mesak, nune’e mós imi, wainhira imi la hela iha Ha’u.’

‘Ha’u mak uvas hun, imi sanak sira; ema ne’ebé hela iha Ha’u no Ha’u iha nia, ema ne’e fó fuan barak; basá la hodi Ha’u, imi labele halo buat ida. Maibé imi hela iha Ha’u karik, no Ha’u-nia liafuan hela iha imi, husu buat ne’ebé imi hakarak ba, no sei fó duni ba imi. Iha ne’e mak Ha’u Aman hetan glória: katak imi fó fuan barak hodi sai Ha’u-nia eskolante sira.’