4a Semana Tempu Páscoa: Sesta, loron 26, fulan Abril, 2024 April 26, 2024
Reflection on the WORD
Maluk sira mak Kristu hadomi,
“Jesus mak Dalan, Lialos, no Moris” – Fiar: Iha Evangelho ohin, Jesus dehan ba Ninia eskolante sira, “Keta laran taridu resin” basá, “Ha’u ne’e Dalan, Lialos, no Moris”. Jesus garantia sira katak Nia sei ba hadia fatin ba sira iha lalehan; atu hela ho Nia no Ninia Aman eternamente. Reflete: “Jesus mós hatutan Ninia konvite mai ita ohin. Ita-nia fuan nakonu ho ksolok?”
Pe. Philip Heng, S.J.
Jo 14:1-6
Jesus dehan ba Ninia eskolante sira, ‘Keta laran taridu resin. Imi fiar iha Maromak, fiar mós iha Ha’u. Iha Ha’u Aman nia uma iha fatin wa’in. La’e karik, Ha’u dehan ba imi katak Ha’u ba hadia fatin ba imi? Wainhira Ha’u ba ona hodi hadia ona fatin ba imi, Ha’u sei fila hikas mai hodi lori imi ho Ha’u; nune’e, iha fatin ne’ebé Ha’u hela, imi mós sei hela ba. Ba fatin ne’ebé Ha’u atu ba, imi hatene ona dalan.’
Tomé dehan ba Nia, “Na’i, ami la hatene Ita atu ba los ne’ebé; oinsa ami bele hatene dalan? Jesus hateten ba nia, ‘Ha’u ne’e Dalan, Lialos, no Moris. Ema ida la liu karik husi Ha’u, nia labele besik Ha’u Aman.
Today's Pointers on God's Word
As you read the passage what words, phases or meanings caught your attention?
- · Atu tau laran ba ema ruma “fasil” wainhira ita moris iha família nakonu ho ambiente domin no konfiansa.
- · Maibé, se ita hasoru de’it esperiensia domin no afirmasaun superfisial, ka wainhira ita hanehan kanek boot sira no sofrimentu iha moris, difisil tebes atu tau fiar ba ema seluk no ita-nia an rasik.
- · Loron ohin, Na’i sadik ita atu ultrapassa ita-nia esperiensia pesoal sira no aprende tau fiar iha Nia no Ninia promesa moris rohan la’ek no Nia “prepara dadaun fatin ida mai ita iha lalehan depois de ita-nia moris iha mundu.” Reflete kona-ba lialos iha Páscoa no halibur konsolasaun espiritual husi lialos ne’e.