DGEMs

Maluk sira mak Kristu hadomi,

“Liafuan Di’ak Salvasaun” – Fiar: Iha Evangelho ohin, antes Jesus Ninia Ascensaun ba Lalehan, Nia haruka Ninia apóstolo nain sanulu resin ida atu haklaken Liafuan Di’ak Salvasaun ba ema hotu-hotu. Reflete: “Ita fó sasin ba Jesus Ninia Evangelho ho haraik-an, generosidade, laran-luak no domin iha ita-nia moris lorloron?” Espírito Santo sei nafatin dirije ita.

Pe. Philip Heng, S.J.

Jesus dehan ba sira nain sanulu resin ida, ‘La’o ba mundu tomak, haklaken Liafuan Di’ak ba kriatura hotu-hotu. Ema ne’ebé fiar no simu batismu sei hetan maksoin; maibé ema ne’ebé la fiar sei hetan todan. Sinal sira ne’ebé sei hela ho sira ne’ebé fiar mak ne’e: Hodi Ha’u-nia naran sira sei duni sai diabu sira; sira sei kolia lia mesak foun oioin. Sira sei kaer samea sira; sira hemu karik buat moruk no lanuk ruma, sira sei la hetan susar ida. Sira sei tau liman ba ema moras sira, no sira ne’e sei hetan isin di’ak fali.’ 

Na’i Jesus kolia hotu tiha ba sira, Nia sa’e ba lalehan hodi hatodan An iha Maromak nnia kuana. Hafoin sira sai hdi haklaken liafuan di’ak iha fatin hotu-hotu. Na’i fó tulun ba sira no hametin sira nia liafuan ho milagre oi-oin.