DGEMs

Maluk sira mak Kristu hadomi,

“Jesus, Pão Moris” – Fiar: Iha Evangelho ohin, Jesus haklaken ba ema lubun boot, “Ha’u mak Pão Moris nian”. Ema ne’ebé hakbesik Ha’u sei la hamlaha tan; no ema ne’ebé fiar iha Ha’u sei la hamrook tan.” Reflete: “Ita buka no hamlaha ba mundu ninia prazer iha ita-nia fantaziasira ne’ebé la satisfaz ita? Jesus, iha Comunhão Santa, sei haraik mai ita ita-nia hakaran klean.”

Pe. Philip Heng, S.J.

Sira hasa’e lia ba Jesus, ‘Sinal sa los mak Ita halo, atu ami haré hodi fiar ba Ita? Hahalok saida mak Ita halo? Iha rai fuik maran, ami-nia bei ala sira han mana, tuir Eskritura hateten: ‘Nia fó han sira ho pão ne’ebé tun husi lalehan.’

Jesus hatan ba sira, ‘Tebes, tebes, ha’u dehan ba imi katak la’os Moises mak fó ba imi pão husi lalehan, maibé Ha’u Aman mak fó ba imi pão los husi lalehan. Basá Maromak Nia pão mak ida ne’ebé tun husi lalehan hodi fó moris ba mundu.’

Sira dehan ba Nia, ‘Na’i haraik nafatin pão ne’e mai ami.’ Jesus hatan ba sira, ‘Ha’u mak pão moris nian. Ema ne’ebé hakbesik Ha’u sei la hamlaha tan, no ema ne’ebé fiar iha Ha’u sei la hamrook tan.’