DGEMs

Maluk sira mak Kristu hadomi,

“Moris Rohan La’ek” – Fiar: Iha Evangelho ohin, Jesus fó hanoin ema lubun boot ne’ebé hakbesik an ba Nia; atu labele buka “aihan ne’ebé sei mohu” no sasan sira mundu nian, maibé fiar iha Nia nu’udar Messias; atu nune’e simu moris rohan la’ek. Reflete: “Ita buka Maromak tanba domin ba Nia, ka ita buka Ninia prezenti/regalo liu fali ita-nia domin ba Nia?”

Pe. Philip Heng, S.J.

Ro balun to’o husi Tiberiades, besik fatin ne’ebé sira han pão, wainhira Na’i fó agradese. Haré katak Jesus laiha ona nebá, Nia eskolante sira mós la’e, sira sa’e ro hodi ba Kafarnaum atu buka Jesus. Hetan tiha Nia iha tasi sorin balun ba, sira hateten ba Nia, ‘Mestre, wainhira mak Itabot to’o iha ne’e?’

Jesus hatan ba sira, ‘Tebes, tebes, Ha’u dehan ba imi: imi buka Ha’u la’os tan imi haré milagre sira, maibé tan imi han pão to’o bosu. Keta haka’as an atu hetan aihan ne’ebé mohu, maibé aihan ne’ebé hela ba moris rohan la’ek, ne’ebé Oan Mane sei haraik ba imi. Basá ba Nia mak Aman Maromak tau Nia marka.’

Sira hatan ba Nia dehan, ‘Ami sei halo sa los atu halo Maromak Nia serbisu?’ Jesus lia tun ba sira, ‘Maromak Nia serbisu mak ida ne’e, “Imi fiar ida ne’ebé Nia haruka mai.”