DGEMs

Maluk sira mak Kristu hadomi,

“Na’i Moris Hias” – Fiar: Iha Evangelho ohin, Jesus mosu ba eskolante sira, no haraik ba sira Ninia bensaun,”Dame hela ho imi”. Sira haksolok boot tebes to’o labele kontrola ksolok ne’e. Reflete: “Jesus ne’ebé ema prega ba kruz moris hias ona! Nia prezente no moris loloos, no moris loloos iha ita-nia fuan; kolia ba Nia, no deskobre Ninia damen no ksolok.”

Pe. Philip Heng, S.J.

Sira sei kolia hela, Jesus hamriik iha sira le’et hodi dehan ba sira: “Dame hela ho imi!” Sira hakfodak no tauk, hodi hanoin katak sira haré mate klamar ida. Nia husu ba sira: “Tansa imi fuan taridu hodi husu buat barak iha imi laran? Haré Ha’u liman no ain ba: Ha’u mak ne’e duni! Kaer Ha’u ba hodi haré katak mate klamar ida isin no ruin laiha, nu’udar imi haré Ha’u iha.”

Dehan tiha ne’e, Nia hatudu ba sira Nia liman no ain. Maibé sira seidauk fiar tan hakfodak ho ksolok boot. Nia dehan, ‘Imi iha buat ruma atu han?’ Sira fó ba Nia ikan tunu baluk ida. Nia simu, hodi han iha sira oin. Hafoin Nia dehan ba sira, ‘Wainhira Ha’u sei iha imi le’et, Ha’u dehan ba imi liafuan hirak ne’e: katak sei sai tuir los lia hotu ne’ebé Moises, profeta no salmu sira hakerek kona-ba Ha’u iha Eskritura.’