DGEMs

Maluk sira mak Kristu hadomi, 

“Jesus – Maromak Oan” – Fiar: Iha Evangelho ohin, João Batista hetan inspirasaun atu haklaken, “Jesus mai husi Lalehan no fó sasin ... katak Maromak loloos, basá Nia kolia haklaken Maromak Ninia Liafuan.” Reflete: “Itabot loke an ba Maromak Ninia Lialos ne’ebé Jesus no Doutrina Uma Kreda haklaken ka itabot hili atu halo-tuir hirak ne’ebé ita gosta?”

Pe. Philip Heng, S.J.

João Batista hateten ba ninia eskolante sira: ‘Ida ne’ebé mai husi leten, Nia iha ema hotu nia leten. Ida ne’ebé mai husi rai, rai ne’e nian, nia kolia kona-ba rai. Ida ne’ebé mai husi lalehan, nia aas liu hotu. Nia fó sasin kona-ba buat ne’ebé Nia haré no rona, maibé ema la simu nia sasin. Ema ne’ebé simu ninia sasin hatudu loloos katak Maromak kolia lialos. Basá ida ne’ebé Maromak haruka, Nia fó sai Maromak nia liafuan, basá Maromak la haraik Espírito hodi sukat de’it.’

Aman hadomi Oan Mane no saran ba Nia liman buat hotu-hotu. Ema ne’ebé fiar iha Oan Mane hetan moris rohan la’ek, maib’e ema ne’ebé lakohi rona Oan Mane sei la haré moris, no Maromak nia laran nakali horik iha nia.’