DGEMs

Maluk sira mak Kristu hadomi,

“Provas husi Na’i nia Moris hias” – Fiar: Iha Evangelho ohin, Jesus ita-nia Na’i Moris hias hatudu An ba Ninia eskolante sira no haraik bensaun ba sira ho Ninia dame, no sira kontenti tebes. Jesus hatudu sira Ninia sorin kanek no han ikan pedasuk, atu hatudu katak Nia loloos, Na’i moris hias. Reflete: “Ita sei iha dúvida kona-ba Jesus ka ita-nia fiar metin iha Ninia moris hias, no Ninia promessa iha salvasaun rohan la’ek?”

Pe. Philip Heng, S.J.

Sira sei kolia hela, Jesus hamriik iha sira le’et hodi dehan ba sira: “Dame hela ho imi!” Sira hakfodak no tauk, hodi hanoin katak sira haré mate klamar ida. Nia husu ba sira: “Tansa imi fuan taridu hodi husu buat barak iha imi laran? Ha’u mak ne’e duni! Kaer Ha’u ba, hodi haré katak mate klamar ida isin no ruin laiha, nu’udar imi haré Ha’u iha.

Dehan tiha ne’e, Nia hatudu ba sira nia liman no ain. Maibé sira seidauk fiar tan hakfodak ho ksolok boot. Nia dehan, “Imi iha buat ruma atu han?” Sira fó ba Nia ikan tunu baluk ida. Nia simu, hodi han iha sira oin. Hafoin Nia dehan ba sira: “Wainhira Ha’u sei iha imi leet, Ha’u dehan ba imi liafuan hirak ne’e: katak sei sai tuir los lia hotu ne’ebé Moises, profeta no salmu sira hakerek kona-ba Ha’u iha Eskritura.”