Domingo de Paskua: Jesus nia Resureisaun, Domingo, loron 31, fulan Marsu, 2024 March 31, 2024

Reflection on the WORD

Maluk sira mak Kristu hadomi,

“Na’i nia moris hias”—Fiar: Evangelhu ohin nian, Maria Madalena, Pedro no João haré hotu Jesus nia túmulu ne’ebé mamuk. Maibé, João ida ne’ebé Jesus hadomi liu”, fiar instantaneamente katak Jesus moris hias tiha ona. Reflete; “oinsa ita sei experimenta inspirasaun sira ne’ebé bo’ot liu no bensaun sira, wainhira ita husik ita nia fiar iha Jesus nia Resureisaun hodi transfórma ita nia moris loro-loron.

Pe. Philip Heng, S.J.

Jo 20:1b-9

Rate mamuk

                  1Iha loron uluk semana nian, iha dadersan nakukun, Maria Madalena ba to’o rate hodi hare fatuk iha rate nia oin duir tiha ba sorin. 2Nia halai fali hasouru Simao Pedro no eskolante ida seluk ne’ebé Jesus hadomi hodi dehan ba sira: “Ema lori tiha Na’i housi rate no ami la hatene sira tau los Nia iha ne’ebé!” 3Pedro ho eskolante ida seluk sai kedas ba rate. 4Sira halai hamutuk maibé eskolante ida seluk lalais liu Pedro hodi to’o uluk rate. 5Nia hakru’uk hodi hare hena sira namkari iha rai maibé nia la tama. 6Simao Pedro mos to’o tuir nia; nia tama iha rate laran hodi hare hena sira namkari iha rai, 7no mos hena mutin ne’ebé hodi falun Jesus nia ulun, ketak housi hena sira seluk lulun iha fatin seluk. 8Hafóin, eskolante ida seluk ne’ebé to’o uluk ba rate tama hotu. Nia hare hodi fiar. 9Iha oras ne’e, sira nia neon la dauk nakloke ba lia eskritura nian katak Nia sei moris hi’as duni housi mate.

Today's Pointers on God's Word

As you read the passage what words, phases or meanings caught your attention?

  • ·       Buat ida de’it mak iha serteza, Jesus la moris hias karik husi Nia Mate, buat hotu ne’ebé Nia hanorin sei sai mamuk no ita nia fiar sei sai supertisius.
  • ·       Maibé, Jesus moris hias duni husi Nia Mate no Nia halakon mate no manan moris rohan la’ek ba ita hotu.
  • ·      Mai ita husu ba Na’I atu haraik ba ita ‘matan fiar nian’ hodi simu Lialos ho total no kle’an kona-bá Nia Resureisaun no moris rohan la’ek ne’ebé hein hela ita wainhira ita mate iha fiar, esperansa no iha domin ba Nia.