DGEMs

Maluk sira mak Kristu hadomi,

“Serbisu humilde Jesus nian”: Evangelho ohinnian, Jesus fase apostolu sira nia ain. Nia sai sasin ba lialos misaun nian husi nia Aman, ne’ebé mak “serbisu la hanoin ba-an ho humidade” katak prontu atu Mate ba Salvasaun Eternu ema hotu nian. Reflete; “ita karik serbí hanesan Kristu ne’ebé mak humilde no la iha interese ba-an rasik ou ho kondisaun sira, ba ita nia konfórtu no ksolok ba-an rasik?”

Pe. Philip Heng, S.J.

4Jesus hamriik housi meja, kolu nia unuk no hola hena mutin naruk ida hodi kesi ba nia knotak. 5Tuir mai, Nia tau be iha basia ida no hahu fase apostolu sira nia ain hodi hamaran sira ho hena mutin ne’ebé bobar hela iha nia knotak. 6Nia to’o ba Simao Pedro ne’ebé dehan: “Na’i, Ita atu fase atan Ha’u nia ain?” 7Jesus hatan ba nia: “Oras ne’e o la bele hatene buat ne’ebé Ha’u halo dau-daun; ikus mai o sei hatene.” 8Pedro simu: “Lae, ba nafatin Ita sei la fase ha’u nia ain!” Jesus dehan fali ba nia: “Ha’u la fase o nia ain karik, o sei la iha parte ho Ha’u.” 9Simao Pedro hasa’e fali lia ba Jesus dehan: “Ne’e sa, Na’i, fase la’os ha’u ain de’it; fase mos ha’u liman no ulun.” 12Fase hotu tiha sira nia ain, no hola fali nia unuk, Nia fila ba nia fatin hodi dehan ba sira: “Imi komprende Ha’u halo sa los ba imi? 13Imi bolu Ha’u Mestre no Na’i; imi dehan los: Ha’u nune’e duni. 14Ne’e duni, Ha’u, Na’i no Mestre, fase karik imi nia ain, imi mos sei fase nia ain ba malu. 15Basa Ha’u fó esemplu ba imi, atu, nudar Ha’u fóin halo ba imi, imi mos banati tuir.