DGEMs

Maluk sira mak Kristu hadomi,

“Profesia ba Judas nia traisaun”: Evangelho ohin nian, Jesus profetiza, iha tempo han kalan ikus nian, katak Judas sei bobar lia hasoru Jesus. Maibé, Judas nega lialos ne’e. Reflete;” ita bele iha intensaun diak barak hodi hadomi Jesus iha ita nia moris. Maibé, se ita la hari ita nia relasaun pessoal ho Nia loro-loron; ita sei fasilmente halo traisaun kontra Nia liu husi ita nia sala sira.”

Pe. Philip Heng, S.J.

Han kalan ba dala ikus

17Iha loron uluk festa Paun fermentu laek nian, nia eskolante sira ba husu Jesus; “Ita hakarak ami ba hadia ba Ita sasan atu han Paskua iha los ne’ebé?” 18Nia hatan: “Ba hasouru ema ida iha sidade hodi dehan ba nia: ‘Mestre dehan: ‘Ha’u nia tempu besik ona; iha o nia uma mak Ha’u sei halo Paskua hamutuk ho ha’u nia eskolante sira.’” 20To’o ona loraik, Nia tur iha meja hamutuk ho sira na’in sanulu resin rua. 21Wainhira sira han dau-daun, Nia dehan: “Tebes, Ha’u dehan ba imi; imi ida sei saran Ha’u.” 22Ho neon nakraik teb-tebes, sira ida-ida hahu dehan ba nia: “Keta ha’u karik, Na’i?” 23Nia hatan: “Ida ne’ebé hatama nia liman hamutuk ho Ha’u iha bikan, nia mak sei saran Ha’u. 24Oan Mane tuir nia dalan nudar hakerek nanis ona kona-bá Nia; maibé susar boot ba ema ne’ebé saran Oan Mane ba mate: nia la moris karik kala diak liu!” 25Judas, ida ne’ebé saran Nia dehan; “Keta ha’u karik, Mestre?” Jesus hatan ba nia: “O rasik mak dehan.”