DGEMs

Maluk sira mak Kristu hadomi,

“Jesus Promete” - Fiar: Evangelho ohin nian, Jesus profetiza nia Mate. Maibé, Pedro hirus Jesus no nia determina, maiske fó-an ba mate ba Jesus. Maibé Jesus profetiza katak Pedro sei nega Nia. Reflete; “ita nia promesa ba Jesus, katak ita sei halo buat barak no moris ba Nia, no moris ba Glória  nia Aman nian? Maibé, ita dala barak “atrasado” no depois ita la halo kompletu ita nia promesa sira?”

Pe. Philip Heng, S.J.

Jesus fó sai kona-bá Judas

                  21Dehan tiha ne’e hotu, Jesus nia laran taridu hodi fó sasin dehan: “Tebes, tebes, Ha’u dehan ba imi katak imi ida sei saran Ha’u.” 22Eskolante sira hateke ba malu hodi husu Nia koalia kona-bá se los. 23Eskolante ida ne’ebé Jesus hadomi tur besik. 24Ne’e duni, Simao Pedro halo sinal ba nia atu husu to’ok Nia koalia kona-bá se los!”  25Nia sader ba Jesus nia hirus matan hodi husu: “Se los, Na’i?” 26Jesus hatan: “Nia mak ida ne’ebé Ha’u sei fó paun ne’ebé Ha’u sei habokon.” Hafóin, habokon tiha paun baluk ida, Nia fó ba Judas, Simao Iscariotes nia oan. 27Tuir paun, diabu tama iha nia laran. Jesus dehan ba nia: “Buat ne’ebé o atu halo, halo lalais ba!” 28 Iha oras ne’e, sira ne’ebé tur iha meja la hatene tansa Jesus dehan nune’e ba nia. 29Tamba Judas kaer bornal osan nian, sira balun hanoin katak Jesus dehan ba nia: “Ba sosa buat ne’ebé ita kuran ba festa;” eh haruka nia fó esmola ba ema kiak sira. 30Simu tiha paun baluk ne’e, Judas sai kedas. Kalan ona.

 
Ukunfuan fóun

                  31Judas sai tiha, Jesus dehan: “Ohin Oan Mane simu tiha Glória , no Maromak sei simu Glória  iha Nia. 32Maromak simu karik Glória  iha Nia, Maromak mos sei fó Glória  ba Nia iha Nia An rasik no sei fó Glória  kedas ba Nia. 33Kosok oan sira, tempu uitoan de’it ona mak Ha’u sei hela ho imi. Imi sei buka Ha’u, no hanesan Ha’u dehan ona ba Judeu sira, ohin Ha’u dehan mos ba imi: ‘Ba fatin ne’ebé Ha’u sei ba, imi la bele ba.’ 36Simao Pedro dehan ba Jesus: “Na’i, Ita ba ne’ebé?” Jesus hatan ba nia: “Ba fatin ne’ebé Ha’u sei ba, ohin o la bele tuir, maibé o sei tuir aban bainrua.” 37Pedro simu dehan: “Na’i, tansa ha’u la bele tuir Ita ohin? Ha’u sei saran ha’u nia moris tamba Ita!” 38Jesus lia tun fali ba nia: “O sei saran o nia moris ba Ha’u? Tebes, tebes, Ha’u dehan ba o katak molok manu kokorek, o sei heli Ha’u dala tolu.”