DGEMs

Maluk sira mak Kristu hadomi,

“Ta’uk no inseguridade sira”—Fiar: Evangelho ohin nian, Fariseu sira sente ta’uk no inseguru tamba ta’uk lakon ema sira be tuir sira, sira nia reputasaun no poder. Reflete; “ita nia hakmatek ne’ebé bo’ot liu no siguransa mak atu hetan Jesus iha ita nia fuan, no atu moris tuir nia lialos Evangelho nian, nu’udar igreja hanorin ita. Mundu sekular ba sasan mundu nian sei dada ita do’ok husi saida mak Jesus oferese ba ita.”

Pe. Philip Heng, S.J.

Na’i ulun sira futu lia atu oho Jesus           

            46maibé sira balun ba fó hatene ba fariseu sira buat ne’ebé Jesus fóin halo. 47Amlulik boot sira no fariseu sira halibur hamutuk hodi dehan: “Ita atu halo sa los tan ema ne’e halo milagre barak? 48Ita husik nia nune’e karik, ema hotu sei fiar Nia, hafóin Romano sira sei mai hasai housi ita ita nia templu ho nasaun tomak.” 49Maibé sira ida, naran Kaifas, amlulik boot ba tinan neba, hateten ba sira: “Imi la hatene buat ida! 50Imi la hatene katak, diak liu ba imi ema ida de’it mak mate ba povu, liu fali nasaun tomak lakon!” 51Nia la dehan ne’e tan nia an rasik, maibé tamba nia mak amlulik boot iha tinan ne’e; nia si’ik katak Jesus sei mate tan nasaun 52no la’os ba nasaun de’it, maibé atu halibur hamutuk ho neon ida de’it Maromak nia oan sira namkari lemo rai. 53Hahu housi loron ne’e, sira futu lia atu oho Nia.