DGEMs

Maluk sira mak Kristu hadomi,

“Mate no Moris rohan la’ek”—Fiar: Evangelho ohin nian, Jesus proklama ba Judeu sira, “ema sira ne’ebé simu ha’u nia liafuan, sira sei la haré mate.” Reflete; “Mate mak aspetu tauk ida ne’ebé bo’ot liu ba sira ne’ebé laiha fiar iha Jesus, Mesias. Nia promete ona moris ksolok rohan la’ek nian iha lalehan.  Wainhira ita iha sabedoria hodi hadomi lolos Jesus, ita nia ta’uk ba mate, sei nakfila fali ba “ksolok mate nian.”

Pe. Philip Heng, S.J.

51Tebes, tebes, Ha’u dehan ba imi: ema ida halo tuir karik Ha’u nia liafuan, nia sei la mate ba nafatin.” 52Judeu sira hateten ba Nia: “Oras ne’e ami hatene katak O iha diabu. Abraao mate tiha ona, profeta sira mos mate ona; maibé O dehan: ‘Ema ne’ebé halo tuir Ha’u nia liafuan, nia sei la mate ba nafatin.’ 53O boot liu fali ami nia aman Abraao ne’ebé mate ona? Profeta sira mos mate. O halo An sa los?” 54Jesus hatan: “Ha’u fó Glória  ba Ha’u nia an karik, Ha’u nia Glória  la fólin buat ida; Ha’u nia Aman mak fó Glória  mai Ha’u, Nia ne’ebé imi dehan ‘Ami nia Maromak’. 55Maibé imi la hatene Nia, Ha’u mak hatene Nia. Ha’u dehan karik katak Ha’u la hatene Nia, Ha’u bosokten hanesan imi. Maibé Ha’u hatene Nia no Ha’u halo tuir nia liafuan.