5a Semana Tempu Kuaresma: Kuarta-feira, loron 20, fulan Marsu, 2024 March 20, 2024
Reflection on the WORD
Maluk sira mak Kristu hadomi,
“Liberdade ho fiar iha moris”: Evangelho ohin nian, Jesus proklama no asegura ba judeu sira, “se imi halo tuir no simu karik Ha’u nia liafuan hanesan imi nia uma; imi sei sai ha’u nia discípulu, no imi sei hatene lialos; no lialos sei halo imi livre.” Reflete; “Maromak nia liafuan iha Bíblia, ne’ebé revela mai ita inia lialos Divinu: atu guia, inspira no hafórsa ita atu moris autentiku liu tan hodi supera ita nia sala sira hotu.”
Pe. Philip Heng, S.J.
Jo 8:31-36
Jesus ho Abraao
31Tuir mai Jesus dehan ba Judeu sira ne’ebé fiar iha Nia: “Imi hela nafatin karik iha Ha’u nia liafuan, imi sei sai Ha’u nia eskolante lo-los; 32no imi sei hatene lialos, no lialos sei halo imi la atan ona.” 33Sira hatan: “Ami Abraao nia oan; ami la dauk sai ema ida nia atan. Nusa mak o dehan: ‘Imi sei sai l atan ona?” 34Jesus hatan ba sira: “Tebes, tebes, Ha’u dehan ba imi: ema ne’ebé halo sala, ema ne’e sala nia atan. 35Atan la horik nafatin iha uma; Oan Mane mak horik nafatin iha uma. 36Ne’e duni, Oan Mane halo imi la atan ona karik, imi sei sai la atan ona duni.
Today's Pointers on God's Word
As you read the passage what words, phases or meanings caught your attention?
- · Evangelho ohin nian Jesus ko’alia ba ita katak se ita submete no rona ba Na’i nia liafuan ho humildade no loke-an, Nia sei halo ita livre husi poder sala nian.
- · Jesus fó hanoin ita katak dalan ba libredade ne’ebé los no vitória mak halo tuir nia Aman nia Hakarak. Nia no nia-an hatudu ona mai ita katak Nia sei la husik kruz ida ne’ebé nia lori ho nia hakarak tamba de’it ba ita nia di’ak.
- · Wainhira ita submete livremente ita nia fuan, hanoin no hakarak ba ita nia Maromak laran lu’ak no domin na’in, ita mós sei hetan liberdade. Ita hotu hakarak Liberdade ida ne’e?