DGEMs

Maluk sira mak Kristu hadomi,

“José nia Santidade”—Fiar”: Evangelho ohin nian afirma kona-bá Santidade José nian. Maromak hili ona nia atu sai guardiaun dignu ida ba Jesus, Mesias. Nia responsabilidade sira bo’ot tebes, maibé nia moris fiél nafatin ba Maromak iha tempu tomak. Reflete; “Oinsa Maromak mós hakarak ita atu moris tuir ita nia fiar no vokasaun ho fidelidade ne’ebé boot, korajem no humildade, hanesan José.

Pe. Philip Heng, S.J.

16Jacob hetan oan naran José, ne’ebé kaben ho Maria. Jesus, ne’ebé ema hanaran Kristu moris housi Maria.18Jesus Kristu moris nune'e: ema hakotu ona Maria, Jesus nia inan ba José. Molok sira moris hamutuk, Maria ko’us tiha ona hodi Espíritu Santu nia kbiit. 19Nia laen José, ne’ebé ema laran los no lakohi hamoe Maria, hakotu atu husik de’it nia. 20Nia hanoin dau-daun buat ne'e, wainhira Na’i nia anju mosu ba nia iha mehi dehan: “José, David nia oan, keta tauk simu Maria nudar o nia kaben, basa nia ko’us hodi Espíritu Santu nia kbiit. 21Maria sei tur ahi oan mane ida ne’ebé o sei hanaran Jesus, basa Nia mak sei soi povu housi sira sala.”