5a Semana Tempu Kuaresma: Segunda-feira, loron 18, fulan Marsu, 2024 March 18, 2024
Reflection on the WORD
Maluk sira mak Kristu hadomi,
“Ita nia salan - Maromak nia laran luak:Evangelho ohin nian, Jesus dezafia ema eskriba no Farizeu sira atu hasoru lialos husi sira nia sala sira; tamba sira julga no kondena ema sala nain sira, hanesan ema adulteriu sira. Reflete; “ita nia fóti-an sira taka ita nia matan hodi rekonhese ita nia sala sira.” Halo orasaun hodi husu grasa humildade nian, atu ita bele loke-an liu tan ba Maromak nia laran luak no perdua nain.”
Pe. Philip Heng, S.J.
Jo 8:1-7,9a
Feto sala na’in
1Maibé Jesus sa’e ba Fóho Oliveira nian. 2Iha dader, Nia mosu fali iha templu. Povu tomak hakbesik Nia, no Jesus tur hodi hanorin sira. 3Eskriba no fariseu sira lori feto ida ne’ebé ema toman halo sala ho mane seluk. 4Sira tau feto ne’e iha klaran hodi dehan ba Jesus: “Mestre, ema toman feto ne’e halo sala ho mane seluk. 5Tuir ukunfuan, Moises haruka ita atu tuda mate feto sira hanesan ne’e. O dehan sa los?” 6Sira husu ne’e hodi koko Nia, atu sira bele hetan lia ruma hasouru Nia. Maibé Jesus hakru’uk, hodi hakerek iha rai ho nia liman fuan. 7Tan sira litik nafatin Nia hodi husu Nia, Nia hamriik los hodi dehan ba sira: “Imi ida ne’ebé sala la iha, nia mak tuda uluk feto ne’e!” 8Hafóin Nia hakru’uk fali hodi hakerek iha rai. 9Rona tiha liafuan hirak ne’e, sira ida‑ida sai dau-daun, hahu housi katuas sira.
Today's Pointers on God's Word
As you read the passage what words, phases or meanings caught your attention?
- · Hanesan Eskriba no Fariseu sira iha Evangelho ohin nian, fasíl ba ita atu kruelmente julga ema sala nain sira maibé senti defísil tebes atu perdua ema sira ne’ebé hakanek ita.
- · So Maromak mesak de’it mak bele julga. Maromak kria ita tuir Nia imajen no semelhansa. Ita iha tendênsia atu halo sala no ita hotu depende iha Maromak nia grasa atu moris santu. Ida ne’e nunka mais fasíl.
- · Ita karik konsiente kona-bá Jesus nia perdaun no kompaixaun iha ita nia maneira oinsa halo kritika? Humildade mak simu lialos ida ne’ebé ita hotu depende ba grasa Maromak nian no labele sai hanesan ida ne’ebé ‘ka’er fatuk primeiru’.